Pangila 1:2 - Buku Tomoroli' Pojanci to Bo'u

² Aku' toi-mi to mpo'uki' hawe'ea to kuhilo toe, mpo'uli'-kokoi Lolita Alata'ala pai' Lolita Posabi' ngkai Yesus Kristus.

Pangila 1:2 Iomraidhean Croise

Yohanes 1:32

Ria wo'o-mi posabi'-na Yohanes toi. Na'uli': ”Lomo'-na uma ku'incai kaYesus-na Magau' Topetolo'. Tapi' Alata'ala mpohubui-a mponiu' tauna hante ue, pai' na'uli'-ka hewa toi: ’Ane nampa' nuhilo mpai' Inoha' Tomoroli' mana'u pai' rodo hi hadua tauna, Hi'a-mi mpai' to mponiu' tauna hante Inoha' Tomoroli'.’ Jadi', kuhilo mpu'u-mi Inoha' Tomoroli' mana'u ngkai suruga molence danci mangkebodo, mehompo pai' mengkarodo hi Yesus. Toe pai' toi-ka lolita-ku: Yesus, Hi'a-mi Ana' Alata'ala.”

Yohanes 12:17

Hi Yerusalem nto'u toe, ria wo'o wori' tauna to dohe Yesus wengi nto'u kanakio'-na Lazarus ngkai rala daeo' pai' mpotuwu'-i nculii'. Tauna toera ntora mpojarita kajadia' toe.

Yohanes 19:35

Tauna to mpohilo kajadia' toe, hi'a-mi to mpo'uli' napa to nahilo, bona mepangala' wo'o-moko-koiwo. Makono lolita-na, pai' na'inca mpu'u kamakono-na.

Yohanes 21:24

Ana'guru toe-imi to mpohilo hawe'ea to jadi' toe, pai' to mpo'uli' posabi'-na. Hi'a-mile to mpo'uki' sura toi-e. Pai' ta'inca kamakono-na lolita-na toi.

Yohanes 3:11

Makono mpu'u lolita-ku toi: Kai' mpo'uli' napa to ki'inca, kilolita napa to kihilo. Hiaa' uma-di nipangalai' lolita-kai.

Suro 22:15

Iko-mi mpai' to jadi' sabi'-na to mpokarebai hi hawe'ea tauna napa to nuhilo pai' to nu'epe-mi tetu-e.

Suro 26:16

Aga wae lau, mokore-moko! Mehupa'-ama hi iko hewa toe lau, apa' ria patuju-ku hi iko: kupelihi-moko jadi' topobago-ku pai' sabi'-ku. Iko kana mpoparata hi tau ntani'-na napa to nuhilo-mi eo toe lau, pai' napa to kupopohiloi-koko hi eo–eo to tumai mpai'.

Suro 4:20

Ane kai'-kaina, uma ma'ala kipento'oi mpololita napa to kihilo pai' to ki'epe-mi.”

1 Korintus 1:6

Hawe'ea toe mpakanoto kamoroho-na mpu'u-mi pepangala'-ni hi Kareba Kristus to kiparata-kokoi,

1 Korintus 2:1

Ompi'–ompi', karata-ku wengi hi ngata-ni mpoparata-kokoi kareba to ngkai Alata'ala, uma kupololitai-koi hante lolita to mo'olu ba ntuku' kapantea-ku moto.

1 Yohanes 1:1

Ihi' sura toi mpotompo'wiwi Lolita to mpowai' katuwua'. To mpowai' katuwua' toei, ria ami'-imi ngkai lomo'-na. Ki'epe-imi, kihilo-i hante mata-kai moto-mi. Kihilo mpu'u-imi, kiganga-imi-kaina hante pale-kai.

1 Yohanes 4:14

Kai', kihilo-imi-kaina Ana' Alata'ala, pai' kisabii' kaHi'a-na to nahubui Alata'ala to Tuama tumai jadi' Magau' Tompohore hawe'ea manusia' ngkai huku' jeko'-ra.

3 Yohanes 1:12

Ane Demetrius-hana, hawe'ea tauna mpo'une'-i. Masipato' mpu'u-i ra'une', apa' po'ingku-na mpotuku' tudui' to makono. Kai', ki'une' wo'o-i-kaiwo, pai' nu'inca kamakono-na pe'une'-kai.

Pangila 1:11

Na'uli'-ka topololita toei: ”Napa to nuhilo, uki'-mi hi sura pai' pakatu hilou hi topetuku'-ku to mo'oha' hi pitu ngata tohe'ira: hi Efesus, Smirna, Pergamus, Tiatira, Sardis, Filadelfia pai' Laodikia.”

Pangila 1:19

Jadi', uki'-mi napa to nuhilo, napa to jadi' tempo toi, pai' napa to jadi' ngkabokoa'.

Pangila 1:9

Aku' Yohanes, ompi'-ni hi rala Yesus. Hibalia karabalinai'-ta sabana petuku'-ta hi Yesus, hibalia kamporata-ta bagia hi rala Kamagaua'-na Yesus, pai' hibalia wo'o kantaha-ta mpotodohaka pebalinai' toe. Rapatani'-a hi lewuto' to rahanga' Patmos apa' mpokarebai-a Lolita Alata'ala pai' mpangaku'-a kaYesus-na Pue'-ku.

Pangila 12:11

Ompi'-ta toera, medagi-ramo mpodagi Magau' Anudaa'. Radagi-i hante kuasa raa' Ana' Bima to mate mpotolo' jeko'-ra. Radagi-i apa' rapangaku' oa' ka'Ana' Bima-na toe-mi Pue'-ra. Nau'-ra rabalinai' ba paia-na rapatehi mpu'u-ra, uma-ra ngkala'ura ngkai pangakua'-ra toe.

Pangila 12:17

Uma-pi mowo roe-na ule naga mpokaroe tobine toei. Toe pai' hilou-imi mpanga'ei muli–muli tobine toei, hira'-mi tauna to mpotuku' hawa' Alata'ala pai' mpangaku' kaYesus-na Pue'-ra.

Pangila 20:4

Oti toe kuhilo ba hangkuja pohuraa, pai' tauna to mpohurai pohuraa toe rawai' kuasa mpobotuhi kara–kara. Kuhilo wo'o rate–rate tauna to rapata' wuroko'-ra apa' mpangaku'-ra kaYesus-na Pue'-ra pai' mpangala'-ra Lolita Alata'ala. Tauna toera, uma-ra-rana mponyompa binata to dada'a ba pinotau-na, uma wo'o-ra mpotarima tanda binata toe hi wingke-ra ba hi pale-ra. Hira' toe tuwu' nculii' pai' moparenta hangkaa–ngkania hante Kristus rala-na hancobu mpae.

Pangila 22:21

Pue' Yesus mpogane' hawe'ea topetuku'-na ngkai kabula rala-na. Amin

Pangila 6:9

Oti toe, kuhilo wo'o Ana' Bima toei mpobongka saa' kalima-na. Kuhilo hi une' meja' pontunua pepue', ria rate–rate tauna to rapatehi apa' mpokarebai-ra Lolita Alata'ala pai' uma-ra mengkala'ura ngkai pangakua'-ra kaYesus-na Pue'-ra.