Pangila 1:1 - Buku Tomoroli' Pojanci to Bo'u

¹ Ihi' sura toi mpololita napa to napopehuwu Yesus Kristus. Alata'ala mpohubui Yesus Kristus mpopehuwu toe hi kita' batua–batua-na, bona ta'inca napa mpai' to kana sohi' madupa'. Yesus mposuro mala'eka-na mpopohiloi hawe'ea toe hi aku' Yohanes, batua-na.

Pangila 1:1 Iomraidhean Croise

Yohanes 12:49

Apa' mololita-a uma ngkai konoa-ku moto. Ku'uli' pai' kulolita napa to napahawa'-ka Tuama-ku, apa' Hi'a-mi to mposuro-a tumai.

Yohanes 15:15

Uma-pokoi kukahangai' batua-ku, apa' batua uma mpo'incai napa to hi rala nono pue'-na. Wae-e lau, doo-ku mpu'u-mokoi, apa' ku'uli'-mikokoi hawe'ea to na'uli'-ka Tuama-ku.

Yohanes 17:8

Kuparata-miraka hawe'ea lolita to nuparata-ka. Ratarima-mi, pai' ra'inca-mi Aku' toi ngkai Mama mpu'u-a, pai' rapangala'-mi ka'Iko-na to mposuro-a.

Yohanes 3:32

Lolita-na mpololita napa to nahilo pai' to na'epe, tapi' uma ria to mpangala' lolita-na.

Yohanes 8:26

Wori'-pidile ke to ku'uli' mposalai'-koie. Tapi' Hi'a to mposuro-a, masipato' lia-i rapangala', pai' napa to ku'epe ngkai Hi'a, toe-mi to kuparata hi koi' to hi dunia'.”

Roma 16:25

Une'-imi Alata'ala! Hewa to ku'uli' hi rala Kareba Lompe' to kuparata to mpotudui' kahema-na Yesus Kristus, mobaraka' mpu'u-i Alata'ala mpakatida pepangala'-ni. Kareba Lompe' to kuparata toi, mo'atu–atu mpae-mi uma ra'incai manusia'.

Galatia 1:12

Uma kutarima Kareba Lompe' toe ngkai manusia', uma wo'o ria tauna to mpotudui'-a. Yesus Kristus moto-mi to mpopo'incai-a Kareba Lompe' toe.

Efesus 3:3

Owi, ria patuju-na Alata'ala to ko'ia ra'incai manusia'. Patuju-na toe-le: bona tauna to bela-ra to Yahudi mporata wo'o-ra-rawo rasi' ngkai Alata'ala hangkaa–ngkania hante to Yahudi. Patuju-na wo'o, bona to bela-ra to Yahudi hawoto lau-ramo hante to Yahudi, pai'-ra mporata wo'o-rawo napa to najanci Alata'ala hi hawe'ea ana'-na. Mporata-ra toe, ngkai posidaia'-ra hante Kristus Yesus, apa' lawi' mepangala'-ramo hi Kareba Lompe'. Owi, patuju Alata'ala hante to Yahudi pai' to bela-ra to Yahudi toe ko'ia ra'incai manusia'. Aga Alata'ala moto-mi mpopo'incai-a patuju-na toe hi rala pangila, hewa to oti-mi ku'uki' we'i. To ku'uki' toe, nau' rede'-wadi, aga mpakanoto patuju-na Alata'ala to napadupa' Kristus. Pai' ane nibasa, nipaha mpai' patuju-na Alata'ala to ko'ia ra'incai manusia' ngkai owi-e, hewa to kupaha wo'o-kuwo aku'. Ri'ulu, patuju-na toe uma raparata hi manusia'. Aga tempo toi patuju Alata'ala toe monoto-mi hi kai' suro-na pai' nabi-na to moroli', apa' Inoha' Tomoroli' mpakanoto-mikakai.

Titus 1:1

Sura toi ngkai aku' Paulus, batua Alata'ala pai' suro Yesus Kristus. Na'ongko'-a jadi' suro-na, pai' nahubui-a mporohoi pepangala' tauna to napelihi-ramo Alata'ala. Nahubui wo'o-a mpotudui'-ra tudui' to makono. Ane tatuku' tudui' to makono toe, mengkoru-ta hi Alata'ala,

Pangila 1:19

Jadi', uki'-mi napa to nuhilo, napa to jadi' tempo toi, pai' napa to jadi' ngkabokoa'.

Pangila 1:9

Aku' Yohanes, ompi'-ni hi rala Yesus. Hibalia karabalinai'-ta sabana petuku'-ta hi Yesus, hibalia kamporata-ta bagia hi rala Kamagaua'-na Yesus, pai' hibalia wo'o kantaha-ta mpotodohaka pebalinai' toe. Rapatani'-a hi lewuto' to rahanga' Patmos apa' mpokarebai-a Lolita Alata'ala pai' mpangaku'-a kaYesus-na Pue'-ku.

Pangila 17:1

Oti toe hadua ngkai mala'eka to pitu to ngkakamu pitu batili toe tumai hi aku', na'uli'-ka: ”Mai-ko, kutudo'-koko karahuku'-na tobine to ele' rahi, to mohura hi kaworia' ue.

Pangila 19:10

Potumpa-kumi hi nyanyoa mala'eka toei ke mponyompa-i, aga na'uli'-ka: ”Neo'! Neo' aku' nunyompa. Alata'ala-hana to nunyompa. Apa' aku' wo'o-kuwo batua Alata'ala hibalia iko pai' hibalia hawe'ea ompi' hampangakua'-nu to mpangaku' kaYesus-na Pue'-ra. Apa' poko patuju-na ngkai hawe'ea lolita pelowa: mposabii' kaYesus-na Pue'.”

Pangila 19:9

Ngkai ree, na'uli'-ka mala'eka toei: ”Uki'-mi tohe'i: Marasi' tauna to rakio' hilou hi posusaa' poncamokoa Ana' Bima toe.” Pai' natampai mpo'uli': ”Lolita toi ngkai Alata'ala, bate makono omea.”

Pangila 21:2

Pai' kuhilo ngata to moroli', to rahanga' Yerusalem to bo'u, mana'u tumai ngkai Alata'ala hi suruga. Ncola-damo ngata toe, hewa hadua tobine to raheai pohea to ncola apa' neo' rata-mi topemua'.

Pangila 21:9

Oti toe, tumai hadua ngkai mala'eka to pitu to ngkakamu batili-e we'i to ihia' hante pitu nyala pesesa' to ka'omea-na. Tumai mala'eka toei mpo'uli'-ka: ”Mai-moko, kutudo'-koko tobine to napemuai' Ana' Bima.”

Pangila 22:1

Mala'eka toei mpotudo' wo'o-ka hancalu' halu', meringkila'-damo ue-na hewa watu loha. Ue halu' toe mpowai' katuwua'. Ulu-na mehuwu ngkai Pohuraa to napohurai Alata'ala pai' Ana' Bima toei,

Pangila 22:16

”Aku' Yesus mpohubui mala'eka-ku tilou mpoparata lolita paresa'-ku toi hi koi' to mpotuku'-a. Aku' muli Magau' Daud, Aku' Betue' Pompoka–eo to mehini.”

Pangila 22:6

Oti toe, pai' na'uli'-ka mala'eka: ”Hawe'ea lolita toe we'i makono pai' bate madupa' mpai'. Pue' Alata'ala to mpowai' Inoha'-na hi hawe'ea nabi, Hi'a-mi to mpohubui mala'eka-na tumai mpopo'incai batua–batua-na napa to kana sohi' madupa'.”

Pangila 22:8

Aku' Yohanes, ku'epe pai' kuhilo-mi-kuna hawe'ea to natudo'-maka mala'eka toe. Ka'oti-na ku'epe pai' kuhilo, kamotumpa-kumi hi nyanyoa-na, ke mponyompa-i.

Pangila 22:9

Aga natagi-a, na'uli': ”Neo'! Neo' menyompa hi aku'! Nyompa-imi Alata'ala. Apa' aku' wo'o-kuwo batua Alata'ala, hibalia iko pai' hibalia hingka nabi-nu pai' hawe'ea tauna to mpotuku' lolita to te'uki' hi rala sura tohe'i.”

Pangila 4:1

Oti toe, ria wo'o pehilo-ku. Kuhilo wobo' tebea hi suruga, pai' ku'epe topololita mpololitai-a, hewa to mpololitai-a lomo'-na we'i, to hewa sangkakala moni-na. Na'uli'-ka: ”Ngkahe'-moko tumai! Kutudo'-koko napa to kana jadi' hi katimpaliu-na to nuhilo we'i.”

Pangila 5:7

Pomako'-nami Ana' Bima toei mpo'ala' sura toe ngkai pale ka'ana-na to Mohura hi Pohuraa Magau'.