Lukas 9:48 - Buku Tomoroli' Pojanci to Bo'u

⁴⁸ pai' na'uli'-raka: ”Hema to mpotarima ana' to kedi' toi sabana petuku'-na hi Aku', batua-na Aku'-mi to natarima. Pai' hema to mpotarima-a, mpotarima wo'o-imi Pue' Ala to mposuro-a. Hema-koi to tuwu' mengkadingki', hi'a-mi to bohe mpu'u tuwu'-na.”

Lukas 9:48 Iomraidhean Croise

Matius 18:10

”Jadi', pelompehi mpu'u-koi, neo'-koi uma mposaile' ana'–ana' to kedi' hewa ana' tohe'ii, nau' hadua. Apa' mpu'u–mpu'u ku'uli'-kokoi: mala'eka to mpodoo-ra tida ncuu hi nyanyoa Tuama-ku to hi rala suruga. [

Matius 18:14

Wae wo'o Tuama-ni hi rala suruga, uma napokonoi ane ria hadua ngkai ana' to kedi' toi to molaa ngkai Hi'a.

Matius 19:28

Na'uli' Yesus: ”Mpu'u ku'uli'-kokoi: hi eo mpeno-na nto'u Alata'ala mpobo'ui omea, Aku' Ana' Manusia' mohura hi pohuraa to ncola moparenta. Nto'u toe mpai', koi' to mpotuku'-a toi-e, mohura wo'o-ko-koiwo hi pohuraa to hampulu' romeha', mpoparentai to Israel to hampulu' rontina.

Matius 25:40

”Pai' Aku' Magau', kutompoi'-ra: ’Bona ni'inca: napa to nibabehi mpotulungi ompi'-ku tohe'ira lau, nau' hadua ompi'-ku to kedi' lia katuwu'-na, batua-na, hibalia nibabehi hi Aku'-mi.’

Matius 25:45

”Pai' Aku' Magau', kutompoi'-ra: ’Bona ni'inca: apa' uma-koina nitulungi-ra tauna to kedi' tuwu'-ra tohe'i-era lau, batua-na, Aku'-mi to uma nitulungi tetu-e.’ ”

Markus 9:37

”Hema to mpotarima hadua ana' to kedi' hewa ana' toii sabana petuku'-na hi Aku', batua-na Aku'-mi to natarima. Pai' hema to mpotarima-a, uma muntu' Aku' to natarima, mpotarima wo'o-i Alata'ala to mposuro-a.”

Lukas 10:16

Oti toe, Yesus mololita tena hi topetuku'-na, na'uli': ”Tauna to mpotarima lolita-ni, batua-na lolita-ku Aku' to ratarima. Tauna to mposapuaka-koi, batua-na Aku' to rasapuaka. Pai' tauna to mposapuaka-a, mposapuaka wo'o-ra Pue' Ala to mposuro-a.”

Lukas 14:11

Hawe'ea to mpomolangko nono-ra, Pue' Ala mpodingkihi-ra, pai' hawe'ea to mpakadingki' nono-ra, Pue' Ala mpomolangko-ra.”

Lukas 22:26

Aga koi', neo' hewa tetu! Timali-na lau-di. Hema-koi to meliu kabohe pangka'-na kana mo'ingku hewa to kedi' lia tuwu'-na. Pai' tauna to mehawai' kana mo'ingku hewa hadua pahawaa'.

Lukas 22:30

Toe pai' goe' wo'o-ko-koiwo mpai' ngkoni' pai' nginu dohe-ku hi rala Kamagaua'-ku ane jadi' Magau'-apa mpai'. Pai' mohura moto-koi mpai' hi pohuraa to hampulu' romeha', mpoparentai to Israel to hampulu' rontina.”

Lukas 7:28

Na'uli' wo'o-mi Yesus: ”Pe'epei lompe': ngkai hawe'ea tauna to putu hi rala dunia' toi, uma ria haduaa to meliu kabohe tuwu'-na ngkai Yohanes. Aga ngkai wae lau, marasi' mpu'u-ra tauna to jadi' ntodea-na Alata'ala hi rala Kamagaua'-na. Nau' to kedi' lia tuwu'-ra, meliu kamarasi'-ra ngkai Yohanes.”

Yohanes 13:20

Makono mpu'u lolita-ku toi: hema to mpotarima suro-ku, hewa Aku' moto-mi to natarima. Wae wo'o, hema to mpotarima-a, hewa Tuama-ku moto-mi to natarima, apa' Hi'a-mi to mposuro-a.”

Yohanes 14:21

”Tauna to mpotarima pai' mpotuku' hawa'-ku, hira'-mi to mpoka'ahi'-a. Tuama-ku mpoka'ahi' tauna to mpoka'ahi'-a, pai' Aku' wo'o mpoka'ahi'-ra, pai' kupopohiloi-ra woto-ku.”

1 Petrus 5:6

Toe-mi ompi', pakadingki' nono-ni, pai' mengkoru-koi hi Alata'ala to mobaraka', bona napomolangko-koi ane rata-pi tempo-na.

Pangila 21:14

Bente ngata toe rawangu hi lolo hampulu' romeha' parawatu, pai' hi parawatu toe te'uki' hanga' suro Ana' Bima to hampulu' rodua.

Pangila 3:21

”Hema to medagi, kupiliu-ra mohura pai' moparenta dohe-ku hi Pohuraa-ku, hewa Aku' wo'o, medagi-ama, pai' wae lau mohura-ama moparenta dohe Tuama-ku hi Pohuraa-na.