Lukas 9:41 - Buku Tomoroli' Pojanci to Bo'u

⁴¹ Na'uli' Yesus: ”Uma mowo-koie'! Ko'ia oa'-tano mepangala'-koie! Mesapuaka oa'-pidi-koi mposapuaka konoa Alata'ala! Ni'uli'-koina hangkuja tena-pi kahae-ku dohe-ni, hangkuja tena-pi kahae-na kupengkatarii kalente pepangala'-nie! Keni tumai ana'-nu!”

Lukas 9:41 Iomraidhean Croise

Matius 11:28

”Mai-mokoi omea to lenge', pai' to motomo kinolo-ni, Aku' moto mpobole kinolo-ni.

Matius 12:39

Na'uli' Yesus: ”Uma mowo kada'a-ni koi' tetu lau! Meleli' oa'-ko-koina ngkai Alata'ala! Merapi'-koi bona kupopohiloi-koi tanda to mekoncehi. Aga uma hanyalaa tanda mekoncehi to rapopohiloi-kokoi. Sampale to rapopohiloi-kokoi, tanda hewa to jadi' hi nabi Yunus owi.

Matius 12:45

Toe pai' hilou ncala'-i mpokio' pitu hingka anudaa'-na to meliu kadada'a-ra ngkai hi'a. Tumai-ramo mesua' hi tauna to napalahii toe-e wengi, pai' mo'oha'-ramo hi ree. Ka'omea-na tampai kampe'ahii' tauna toei ngkai lomo'-na. Wae wo'o mpai' to majadi' hi tauna to dada'a tempo toi: meliu lau-mi mpai' kasilaka-ra, apa' oja'-ra mpotarima-a.”

Matius 16:4

Uma mowo kadada'a-ni, nisapuaka oa'-pidi Alata'ala! Merapi'-koi tanda mekoncehi. Aga uma hanyalaa tanda mekoncehi to rapopohiloi-kokoi. Sampale-wadi to rapopohiloi-kokoi, tanda hewa to jadi' hi nabi Yunus owi.” Oti toe malai-imi mpalahii-ra.

Matius 17:17

Na'uli' Yesus: ”Uma mowo-koie'! Ko'ia oa'-tano mepangala'-koie! Mesapuaka oa'-pidi-koi mposapuaka konoa Alata'ala! Ni'uli'-koina hangkuja tena-pi kahae-ku dohe-ni, hangkuja tena-pi kahae-na kupengkatarii kalente pepangala'-nie! Keni tumai ana' tetui!”

Matius 23:36

Wae mpu'u-di! Koi' to tuwu' tempo toi bate rahuku' sabana hawe'ea kasalaa'-ra totu'a-ni toe.

Matius 3:7

Wori' wo'o pangkeni agama Yahudi to rahanga' to Parisi pai' to Saduki tumai mpopeniu' hi Yohanes. Kanahilo-ra rata, na'uli'-raka: ”He koi' to bengku' gau'-ni! Napa pai' tumai mpopeniu'-koie? Ba ni'uli'-koina, ma'ala mpai' nipasalewa roe Alata'ala to neo' mporumpa'-koi!

Markus 10:14

Mpohilo toe-di, kamoroe-nami Yesus mpokaroe ana'guru-na, na'uli'-raka: ”Pelele' moto-ra ana' tetura tumai hi Aku', neo'-ra nitagi. Apa' tauna to hewa toe-ramo to jadi' ntodea-na Alata'ala hi rala Kamagaua'-na.

Markus 10:49

Mentoda'-imi Yesus pai' na'uli': ”Kio'-i tumai!” Karakio'-nami towero toei, ra'uli'-ki: ”Pakaroho nono-nu! Mokore-moko, apa' nakio'-moko!”

Markus 9:19

Na'uli' Yesus: ”Uma mowo-koie'. Ko'ia oa'-tano mepangala'-koie! Ni'uli'-koina hangkuja tena-pi kahae-ku dohe-ni, hangkuja tena-pi kahae-na kupengkatarii kalente pepangala'-nie! Keni tumai ana' tetui!”

Lukas 8:25

Ngkai ree, na'uli'-mi Yesus hi ana'guru-na: ”Napa pai' uma-a nipangala'-e?” Konce pai' me'eka'-ramo, pai' momepololitai-ramo, ra'uli': ”Hema mpu'u-idi tau toii-e? Bangku' ngolu' pai' balumpa nahawai', ratuku' mpu'u-diki-hana hawa'-nae!”

Lukas 9:40

Kuperapi'-ramo ana'guru-nu mpopalai anudaa' toe, aga uma rakulei'.”

Lukas 9:42

Bula-na ana' toei momako' hilou hi Yesus, modungka-imi napakeni seta to mpohawi'-i, pai' kakapadi–padi woto-na. Yesus mpopetibo' anudaa', pai' mpaka'uri' ana' toei. Oti toe na'uli'-ki tuama-na: ”Ala'-mi ana'-nu. Mo'uri'-imi.”

Yohanes 14:9

Na'uli' Yesus: ”Ko'ia oa'-tano nu'incai-ae, Filipus! Hiaa' bo mahae-ama dohe-ni! Hema to mpohilo-a, mpohilo wo'o-ramo Tuama-ku. Jadi', napa-di pai' nuperapi' bona kupopohiloi-koi Tuama-kue?

Yohanes 20:27

Oti toe, na'uli' mpo'uli'-ki Tomas: ”Tu'u-mi karawe-nu hi rei, pai' hilo pakua' to hi pale-ku. Mai pale-nu, nupe'unco' hi rala jaloa to hi lumpeha-ku. Neo'-pi morara' nono-nu. Pangala'-mi!”

Suro 13:18

Oti toe, opo' mpulu' mpae kahae-na, napengkatarii mpohilo pesapuaka-ra bula-ra hi tana' to wao'.

Suro 2:40

Wori' nyala-pi lolita-na Petrus hi ntodea, naparesai'-ra pai' napopo'ingai'-ra, na'uli': ”Medea-mokoi! Neo'-pi nituku' tauna to dada'a to tuwu' tempo toi, bona neo'-koi narata pehuku' Alata'ala to mporumpa'-ra mpai'!”

Roma 2:4

Lompe' nono-na Alata'ala, mosabara-i pai' moloe ahi'-na. Aga neo' ta'uli' hi rala nono-ta: ”Uma mingki' kubalii' gau'-ku.” Kiwoi-e' ompi': patuju kalompe' nono Alata'ala toe, bona ria loga-ta medea ngkai jeko'-ta-hana.

Ibrani 3:19

Jadi', monoto-mi ta'inca ka'uma-ra rapiliu mesua' pai' mporata pento'oa dohe Alata'ala apa' uma-ra mepangala'.

Ibrani 4:11

Ngkai toe-mi ompi', mai-tamo mpohuduwukui bona tarata pento'oa dohe Alata'ala toe, nee–neo' mpai' ria-ta to ngkala'ura ngkai pepangala'-ta, hewa to Yahudi owi to uma mengkoru hi Alata'ala.

Ibrani 4:2

Apa' kita' toi, raparata wo'o-mitaka-tawo kareba lompe', hewa to Yahudi owi. Aga kareba lompe' toe uma mpokeni rasi' hi hira', apa' ra'epe mara-wadi-rana, uma rapangalai'.

Ibrani 7:25

Toe pai' ria kuasa-na mpobahaka-ta ngkai huku' jeko'-ta pai' mpowai'-ta kalompea' hante uma ria kakuraa'-na, ane tamohui' Alata'ala hi rala hanga'-na. Apa' tuwu' liu–liu-i-hana, pai' tida-i mpome'alai'-ta hi nyanyoa Alata'ala.