Lukas 9:39 - Buku Tomoroli' Pojanci to Bo'u

³⁹ Ane napesuai' anudaa'-i, kaka'au–au-i pai' kakapadi–padi-i, duu'-na mowura' nganga-na. Neo' uma ria palaia-na anudaa' toe mpopedahi-i.

Lukas 9:39 Iomraidhean Croise

Markus 9:18

Ane napesuai' wo'o-ipi anudaa'-e, modungka-i hi tana', mowura' nganga-na, kakakeji'–keji' ngihi'-na, pai' mokadu hudu woto-na. Kuperapi'-ramo ana'guru-nu mpopalai anudaa'-na, aga uma rakulei'.”

Markus 9:20

Rakeni mpu'u-mi ana' toei hi Yesus. Wae pehilo-na anudaa' toei mpohilo Yesus, napakako'o wo'o-mi woto ana' toei duu'-na modungka-i pai'-i ngkawulela' hi tana', nganga-na mowura'.

Markus 9:26

Pe'au-nami ana' toei, kakapadi–padi woto-na, pai' malai-mi anudaa'. Kamalai-na anudaa', uma-pi molengo ana' toei, hewa tomate-imi, alaa-na wori' to mpo'uli': ”Mate-imi!”

Lukas 4:35

Yesus mpo'uli'-ki seta toei: ”Ngkaba'i-ko! Palai-ko ngkai tauna tetui!” Seta to mpesuai' tau toei mpodungka-i hi laintongo' ntodea, pai'-i malai, aga uma-i napopai–pai.

Lukas 9:38

Ria hadua tomane hi laintongo' tauna to wori' to mekio', na'uli': ”Guru! Tulungi-a! Pehiloi-ka-kuwo ana'-ku. Hadudua hi'a-wadi-ka-kuwo ana'-ku.

Lukas 9:40

Kuperapi'-ramo ana'guru-nu mpopalai anudaa' toe, aga uma rakulei'.”

Yohanes 8:44

Magau' Anudaa'-hanale tuama-nie! Pai' doko' oa'-koi mpotuku' konoa tuama-ni tetu. Ngkai lomo'-na, topepatehi ami'-imi. Uma-i ria mpo'uli' napa to makono, apa' uma ria napa–napa to makono hi hi'a. Ane moboa'-i, gati-nami-hana, apa' topoboa' ami'-i, pai' hawe'ea tauna to moboa' mpo'uhi kehi-na.

1 Petrus 5:8

Mojaga pai' mo'inga'–inga'-koi! Apa' Magau' Anudaa' to jadi' bali'-ni, modao'–dao'-i hewa singa to mo'oa mpali' to ma'ala nahungongo'.

Pangila 9:11

Ria magau'-ra to mpoparentai-ra. Magau'-ra toei, mala'eka to mpokuasai wulou'laa toe-e we'i. Hanga'-na rala basa Yahudi, Abadon. Hi rala basa Yunani, Apolion. Batua-na, Topegerohi.