Lukas 9:23 - Buku Tomoroli' Pojanci to Bo'u

²³ Ngkai ree, Yesus mpololitai hawe'ea tauna, na'uli': ”Hema to doko' mpotuku'-a kana mpobahaka konoa-na moto, pai' kana napaha'a kaju parika'-na butu eo-na–batua-na: kana natuku' hawa'-ku nau' napopate-ki. Oti toe-di pai' lako' ma'ala-i mpotuku'-a.

Lukas 9:23 Iomraidhean Croise

Roma 8:13

Apa' ane tatuku' kahinaa nono-ta to dada'a, ka'omea-na mpai' mate-ta pai'-ta ragaa' ngkai Alata'ala. Tapi' ane tabahaka po'ingku-ta to dada'a hante baraka' Inoha' Tomoroli', mporata-ta katuwua' to lompe' dohe Alata'ala.

Kolose 3:5

Jadi', apa' mate-tamo hangkaa–ngkania hante Kristus-e, kana tabahaka-mi kehi-ta to mosidai' hante tuwu'-ta to ri'ulu. Neo' mobualo', neo' mogau' sala' ba mpobabehi gau'–gau' to uma tumotoa ntani'-na. Neo' mpokahina to dada'a, neo' mpokahina anu doo. Apa' tauna to mogau' hewa toe, ma'ala ta'uli' mepue'-ra hi napa to rapokahina toe.

2 Timotius 3:12

Bate toe-midi! Hawe'ea tauna to mpotuku' Kristus Yesus pai' to doko' mengkoru hi Alata'ala bate rabalinai'.

Titus 2:12

Ngkai kabula rala-na toe, natudui'-ta mpobahakai kehi-ta to uma napokonoi pai' kahinaa nono-ta to tatuku' kako'ia-ta mepangala' hi Hi'a. Natudui'-ta mpenotohi nono-ta, tapakanoa' kehi-ta, pai'-ta mengkoru hi Hi'a bula-ta tuwu'-pidi hi dunia' toi.

Ibrani 13:13

Ngkai toe-mi ompi', hewa Yesus hilou hi mali ngata bona raruge', wae wo'o kita' kana mpobahaka petukua'-ta to ntani'-na, pai' mpotuku' Yesus-damo, nau' ba hema–hema to mporuge'-ta.