Lukas 9:2 - Buku Tomoroli' Pojanci to Bo'u

² Napahawa'-ra hilou mpaka'uri' topeda' pai' mpopalele kareba-na: ”Neo' rata-mi tempo-na Alata'ala jadi' Magau' hi dunia'.”

Lukas 9:2 Iomraidhean Croise

Matius 10:5

To hampulu' rodua toera nasuro Yesus hilou ngkeni Kareba Lompe'. Kako'ia-ra me'ongko', natudui'-ra hewa toi: ”Neo'-koi hilou hi ngata to bela-ra to Yahudi. Neo'-koi hilou hi ngata to Samaria.

Matius 13:19

Hawua' to monawu' hi mata ohea mpobatuai tauna to mpo'epe moto kareba to mpo'uli' beiwa Alata'ala jadi' Magau', aga uma rapoinono. Rata anudaa' mpohagoi-ra lolita toe ngkai rala nono-ra.

Matius 24:14

Pai' Kareba Lompe' to mpo'uli' beiwa Alata'ala jadi' Magau', bate rapalele hi humalili' dunia', bona hawe'ea manusia' ma'ala mpo'epe. Oti toe-di pai' lako' rata kahudua dunia'.

Matius 3:2

na'uli'-raka: ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”

Markus 16:15

Na'uli'-raka: ”Hilou-mokoi hi humalili' dunia', mpopalele Kareba Lompe' hi hawe'ea tauna.

Markus 6:12

Ka'oti-na Yesus mpotudui' ana'guru-na to hampulu' rodua toera, me'ongko'-ramo hilou mpotudui' tauna bona medea-ra ngkai jeko'-ra.

Lukas 10:1

Oti toe, Pue' Yesus mpelihi wo'o-mi pitu mpulu' topetuku' to ntani'-na pai' nahubui-ra momako' rodua–rodua meri'ulu ngkai Hi'a hilou hi butu–butu ngata to natara mpai'.

Lukas 10:11

’Nau' awu ngata-ni to mentaka' hi palanta' witi'-kai, kitonta bona nihilo. Aga kiwoi-koie': neo' rata-mi tempo-na Alata'ala jadi' Magau'!’ ”

Lukas 10:9

Paka'uri' topeda' to hi rala ngata, pai' uli'-raka pue' ngata: ’Rata-mi tempo-na, Alata'ala jadi' Magau' hi laintongo'-ni.’

Lukas 16:16

”Napa to te'uki' hi rala Atura Musa pai' sura nabi bate-na rapake'-pidi duu' rata hi tempo Yohanes Topeniu'. Ngkai tempo toe, rapalele-mi Kareba Lompe' to mpo'uli' Alata'ala jadi' Magau' hi dunia'. Pai' wori' tauna mpohuduwukui doko' jadi' ntodea-na hi rala Kamagaua'-na toe.

Lukas 9:11

Ntaa' ra'inca-di ntodea kahilou-rae. Toe pai' metuku'-ramo mpotuku' Yesus. Karata-ra hi Yesus, natarima moto-ra pai' natudui'-ra tudui' to mpotompo'wiwi Kamagaua'-na Alata'ala. Pai' hema–hema to mohaki' napaka'uri'.