Lukas 9:19 - Buku Tomoroli' Pojanci to Bo'u

¹⁹ Ratompoi': ”Ria to mpo'uli' Yohanes Topeniu'-ko tuwu' nculii'. Aga ria wo'o to mpo'uli' nabi Elia-ko. Ria wo'o to mpo'uli' Iko hadua nabi to owi tuwu' nculii'.”

Lukas 9:19 Iomraidhean Croise

Matius 14:2

Toe pai' na'uli'-raka topobago-na: ”Bate Yohanes Topeniu'-le Yesus toei lou! Tuwu' nculii'-imi! Toe-hana pai' ria baraka'-na mpobabehi tanda to mekoncehi.”

Matius 3:1

Ba hangkuja kahae-na oti toe, rata-mi Yohanes Topeniu' hi papada to wao' hi Yudea, pai' natepu'u-mi mpopalele Lolita Pue' hi ntodea,

Markus 6:14

Nto'u toe, Magau' Herodes Antipas mpo'epe kareba napa to nababehi Yesus, apa' hanga' Yesus rapotompo'wiwi hiapa–apa. Ria to mpo'uli': ”Yesus toei lou, Yohanes Topeniu'-ile tuwu' nculii'! Toe-hana pai' ria baraka'-na mpobabehi tanda mekoncehi toe-e.”

Markus 6:15

Aga ria wo'o to mpo'uli': ”Yesus toei, nabi Elia to owi-i.” Hiaa' ria wo'o to mpo'uli': ”Nabi mpu'u-i, hewa nabi to owi.”

Lukas 9:18

Rala-na ha'eo, Yesus mosampaya hadudua-na, pai' rata ana'guru-na dohe-na. Napekune'-ra, na'uli': ”Ntuku' ponguli' ntodea, hema-a Aku' toi-e?”

Lukas 9:20

Napekune' tena-ra: ”Hiaa' koi'-koiwo mpo'uli', hema-a Aku' toi-e?” Natompoi' Petrus: ”Iko-mi Magau' Topetolo' to najanci Alata'ala!”

Yohanes 1:21

Mepekune' tena-ra: ”Ane wae, hema-ko? Ba nabi Elia-dako?” Na'uli' Yohanes: ”Bela wo'o.” Mepekune' tena-ra: ”Ba iko lau-midi nabi bohe to rajanci owi, to ra'uli' tumai mpai' hi rala dunia'-e?” Na'uli' Yohanes: ”Bela wo'o.”

Yohanes 7:40

Wori' tauna mpo'epe lolita Yesus toe, pai' ria-ra hantongo' to mpo'uli': ”Bate Hi'a-mile nabi to najanci Alata'ala owi-e.”

Yohanes 9:17

Ngkai ree, mepekune' tena-ra to Parisi hi towero toei, ra'uli': ”Beiwa-kowo iko, napa to nu'uli', apa' napaka'uri'-koko mata-nue.” Na'uli' towero toei: ”Tantu Hi'a hadua nabi.”