Lukas 9:11 - Buku Tomoroli' Pojanci to Bo'u

¹¹ Ntaa' ra'inca-di ntodea kahilou-rae. Toe pai' metuku'-ramo mpotuku' Yesus. Karata-ra hi Yesus, natarima moto-ra pai' natudui'-ra tudui' to mpotompo'wiwi Kamagaua'-na Alata'ala. Pai' hema–hema to mohaki' napaka'uri'.

Lukas 9:11 Iomraidhean Croise

Matius 12:15

Na'inca Yesus karia-na patuju-ra to Parisi to dada'a hi Hi'a. Toe pai' malai-imi ngkai ree, pai' wori' tauna to mpotuku'-i. Mpaka'uri'-i hawe'ea-ra to peda'.

Matius 14:14

Pehompo-na Yesus ngkai sakaya, nahilo-hawo wori' tauna mpopea-i. Metumu'-mi ahi'-na mpohilo-ra, pai'-i mpaka'uri'-ra to peda'.

Matius 21:31

Ngkai ree, mepekune'-i Yesus hi pangkeni agama Yahudi, na'uli': ”Jadi', ngkai ana' to rodua toera, hema to mpotuku' hawa' tuama-ra?” Ra'uli' pangkeni to Yahudi toera: ”To lomo'-na.” Na'uli' Yesus: ”Mpu'u ku'uli'-kokoi: tauna topojeko', hewa topesingara' paja' pai' tobine to uma tumotoa gau'-ra, hira' lau-mi to natarima Alata'ala jadi' ntodea-na hi rala Kamagaua'-na, bela koi'.

Matius 21:43

Na'uli' wo'o-mi Yesus: ”Jadi', apa' oja'-koi mpotarima-a jadi' Magau'-ni, wae-pi, bagia-ni hi rala Kamagaua'-na Alata'ala, ra'ala' ngkai koi' pai' rawai'-raka tauna to mpobabehi po'ingku to natao hi ntodea Alata'ala. [

Lukas 1:53

Tauna to mo'oro' nabohui hante pongkoni' to lompe'. Tauna topo'ua' napopalai hante ngkeni woto mara.

Lukas 5:31

Na'uli' Yesus mpo'uli'-raka: ”Tauna to uma peda', uma mingki' rapokulii'. Tauna to peda'-wadi-hawo to paraluu rapokulii'.

Lukas 8:1

Oti toe, Yesus mpodaoi' wori' ngata mpopalele Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Ana'guru-na to hampulu' rodua mpodohei-i.

Lukas 8:10

Na'uli' Yesus: ”Owi, Alata'ala ko'ia mpopo'incai manusia' beiwa-i mpai' jadi' Magau' hi dunia'. Aga hewa toe lau, napopo'incai-mokoi tudui' toe. Aga ane ntodea-hana, kutudui'-ra hante lolita rapa', bona madupa' lolita Buku Tomoroli' to mpo'uli': ’Pe'epe moto-ra, aga uma oa' ra'incai batua-na. Pehilo moto-ra, aga hewa to uma oa' monoto rahilo.’

Lukas 9:10

Rata nculii'-ramo suro Yesus to hampulu' rodua toera, pai' ratutura-ki Yesus hawe'ea to rababehi. Oti toe, Yesus mpo'ema'-ra hilou hi kawaoa'-na mohu' hi ngata Betsaida.

Lukas 9:12

Neo' limpa-mi eo, rata-ramo ana'guru-na to hampulu' rodua mpo'uli'-ki Yesus: ”Guru, agina tahubui-ramo ntodea toera lau hilou mpali' pongkoni'-ra pai' poturua-ra hi ngata pai' bonea to mohu'. Apa' wao'-hana hi rehe'i lau.”

Lukas 9:2

Napahawa'-ra hilou mpaka'uri' topeda' pai' mpopalele kareba-na: ”Neo' rata-mi tempo-na Alata'ala jadi' Magau' hi dunia'.”

Yohanes 4:34

Toe pai' Yesus mpo'uli'-raka: ”Pongkoni'-kule, mpotuku' konoa Pue' Ala to mposuro-a, pai' mposipolea pobago to nawai'-ka.

Yohanes 6:37

Hawe'ea tauna to nawai'-maka Tuama-ku, bate tumai hi Aku'. Pai' hema–hema to tumai hi Aku', bate kutarima-i pai' uma-i kupopalai.

Suro 28:31

Hante uma ria kakoo–koroa'-na, naparata-raka kaYesus-na Pue' pai' Magau' Topetolo', pai' natudui'-ra ohea-na jadi' ntodea-na Alata'ala hi rala Kamagaua'-na. Pai' uma ria to mposaleroi-i.

Roma 10:14

Hiaa' beiwa-ramo-rana mekakae hi Pue' ane ko'ia-ra mepangala'? Pai' uma wo'o hema to mepangala' ane ko'ia ra'epei Kareba Lompe'. Pai' uma wo'o-ra bisa mpo'epe Kareba Lompe' ane uma hema to mpokarebai-raka.

Roma 10:17

Jadi', manusia' kana mpo'epe ulu kareba-na, pai' lako' ma'ala-ra mepangala'. Pai' ane ria to mpoparata-raka Kareba Kristus toe, pai' lako' ma'ala-ra mpo'epe.

Roma 15:3

Apa' Kristus wo'o uma mpali' kagoea'-na moto, sadia moto-i mporata kaparia hi petuku'-na hi Alata'ala. Hi rala Buku Tomoroli' owi ria lolita to mpolowa Pue' Yesus to mpo'uli': ”Hawe'ea lolita peruge'-ra mporuge' Alata'ala, mpobelahi Aku' moto-mi.”

2 Timotius 4:2

Parata-mi Lolita Alata'ala. Kana sadia-ko mpoparata Lolita-na hi tempo to lompe' ba hi tempo to dada'a. Ewa-ra to mpokeni tudui' to sala', tagi-ra to dada'a po'ingku-ra, apui nono-ra bona lompe' po'ingku-ra. Mosabara ncuu-ko mpotudui'-ra.

Ibrani 4:16

Ngkai toe-mi ompi', neo'-tapa me'eka'. Daho'-tamo rata hi nyanyoa Alata'ala apa' Yesus-mi Imam Bohe-ta. Mai-tamo mpomohui' Alata'ala hi Pohuraa-na to hi suruga, apa' ma'ahi'-i. Mai-ta mpomohui'-i, bona tarasai ahi'-na, pai'-ta natulungi ngkai kabula rala-na, nto'u-na taparaluu.