Lukas 8:46 - Buku Tomoroli' Pojanci to Bo'u

⁴⁶ Na'uli' Yesus: ”Bate ria-di to mpoganga-ae! Ku'inca-le, apa' ria kabaraka' to malai ngkai woto-ku.”

Lukas 8:46 Iomraidhean Croise

Lukas 5:17

Rala-na ha'eo nto'u Yesus metudui', ria ba hangkuja dua to Parisi pai' guru agama mohura hi ree. Ria-ra ngkai ngata–ngata hi tana' Galilea, Yudea, pai' ngkai ngata Yerusalem wo'o. Baraka' ngkai Pue' Ala ria hi Yesus bona mepaka'uri'.

Lukas 6:19

Wori' tauna mpali' ohea doko' mpoganga Yesus, apa' ria baraka' to mehupa' ngkai woto-na to mpaka'uri'-ra omea.

Lukas 8:47

Na'inca tobine toei ka'uma-na tewunii' babehia-na. Jadi' moridi'-i tumai mowingkotu' hi nyanyoa Yesus. Napangaku' hi ntodea kahi'a-na to mpoganga baju Yesus pai' kamo'uri'-nami ngkai haki'-na.

1 Petrus 2:9

Aga koi' ompi'–ompi', napelihi-moko-koina Alata'ala, napajadi'-koi imam–imam to mpokamu bago mpepue' hi Magau'-ta. Napatani'-koi jadi' bagia-na pai' ntodea-na to moroli'. Nababehi toe bona koi' mpopalele hi hawe'ea tauna babehia-na to mobaraka', nitutura-raka kanakio'-ni malai ngkai kabengia-na mesua' hi rala kabajaa-na to uma mowo kalompe'-na.