Lukas 8:39 - Buku Tomoroli' Pojanci to Bo'u

³⁹ ”Nculii'-moko hilou hi tomi-nu pai' uli'-raka retu napa to nababehi Alata'ala hi iko.” Hilou mpu'u-imi mpopalele hi rala ngata napa to nababehi Yesus hi woto-na.

Lukas 8:39 Iomraidhean Croise

Markus 1:45

Ntaa' we'i, kahilou-na tauna toei, ntora nalolita lau-mi hiapa–apa kanapaka'uri'-na Yesus. Alaa-na, Yesus uma-ipi bisa mesua' hi rala ngata apa' wori' rahi tauna mpotipuhi-i. Mo'oha' hi mali ngata-i-damo hi kawaoa'-na. Aga nau' wae, uma oa' ria kaputua-na tauna tumai ngkai wori' ngata doko' mpohirua'-ki.

Markus 5:18

Bula-na Yesus mohawi' toe, tauna to kahawia'-e ngone merapi' bona ma'ala-i hilou dohe-na.

Markus 5:19

Tapi' uma-i napiliu, na'uli'-ki: ”Nculii'-moko hilou hi tomi-nu, uli'-raka hingka ngata-nu napa to nababehi Pue' Ala hi iko, pai' ahi'-na hi iko.”

Lukas 8:38

Ane tauna to napaka'uri' Yesus, merapi'-i bona ma'ala-i hilou dohe-na. Tapi' uma-i napiliu, na'uli'-ki:

Lukas 8:40

Karata-na Yesus nculii' hi dipo rano, goe'-ramo tauna to wori' mpotomu-i, apa' hawe'ea-ra ntora mpopea-i.

Yohanes 4:29

”Kita hilou mpohilo tauna to mpolohu-ka hawe'ea gau'-ku. Meka' ba lue' Hi'a mpu'u-mi Magau' Topetolo'-e!”

1 Timotius 5:8

Apa' ane ria tauna to mpo'uli' mepangala'-i hi Alata'ala, tapi' uma-i mpewili' totu'a-na pai' tauna to hi rala tomi-na moto, kehi-na toe mposapuaka pepangala'-na, meliu kada'a-na ngkai tauna to uma mepangala' hi Alata'ala.