Lukas 8:30 - Buku Tomoroli' Pojanci to Bo'u

³⁰ Yesus mpekune'-i: ”Hema hanga'-nu?” Natompoi': ”Legion.” (”Legion” tohe'e, batua-na ”moncobu,” apa' wori' seta to mpohawi'-i.)

Lukas 8:30 Iomraidhean Croise

Matius 26:53

Ha uma nu'incai, ane mpopetulungi-a hi Tuama-ku, napesahui mpahawa' tumai hampulu' rontuda tantara mala'eka-na, ba melabi tena!

Matius 4:24

Pobago-na Yesus toe tetolele hi hawe'ea ngata hi propinsi Siria, alaa-na wori' tauna tumai doko' mpohirua'-ki. Mpokeni-ra hawe'ea doo-ra to mpotodohaka to wori' nyala haki'-ra pai' kasusaa'-ra, ba to nahawi' seta, ba to limpuangaa ba to pungku. Napaka'uri'-ra omea.

Matius 8:29

Mekio'-ra, ra'uli': ”Ee Ana' Alata'ala! Napa-di-kona pai' tumai-koe? Neo'-kai nusesa'-e'! Ko'ia rata tempo-na.”

Markus 16:9

Pemata-na Yesus ngkai kamatea mepupulo ngkii hi eo Mingku, lomo'-na mpopehuwu-i woto-na hi Maria Magdalena. Maria tohe'ei, ria-i Yesus mpopalai pitu seta to mpohawi'-i. Tobine toera hilou hi Petrus pai' doo–doo-na, pai' ratutura hawe'ea to na'uli' kabilasa toe we'i, nau' rede'-wadi.

Markus 5:9

Yesus mpekune'-i: ”Hema hanga'-nu?” Na'uli': ”Hanga'-ku Legion, apa' wori'-kai hampo'emaa' to mesua' hi tau toii.” (Hanga' Legion tohe'e, batua-na: moncobu.)

Lukas 8:2

Ria wo'o ba hangkuja dua tobine to mpodohei-ra. Tobine toera, tobine to napaka'uri' Yesus ngkai haki'-ra ba ngkai anudaa' to mpohawi'-ra. To hadua, Maria to biasa-na rahanga' Magdalena. Ria-i hangkani Yesus mpopalai pitu anudaa' ngkai Maria toei.