Lukas 8:3 - Buku Tomoroli' Pojanci to Bo'u

³ To hadua wo'o, Yohana tobine-na Khuza, topohawa' hi rala tomi Magau' Herodes. Ria wo'o Susana, pai' wori'-pidi tobine ntani'-na. Tobine toera mpake' doi-ra moto mpotulungi Yesus pai' ana'guru-na.

Lukas 8:3 Iomraidhean Croise

Matius 14:1

Nto'u toe topoparenta hi Galilea, Herodes Antipas. Na'epe Herodes napa to nababehi Yesus.

Matius 14:3

Hewa toi tutura kamate-na Yohanes Topeniu'. Magau' Herodes mpo'ago Herodias, tobine ompi'-na moto to rahanga' Filipus. Wori' ngkani Yohanes mpokamaro Herodes ngkai gau'-na toe, na'uli'-ki: ”Uma-ko ma'ala mpotobine tobine tetui! Gau'-nu tetu mpotiboki Atura Musa!” Ngkai ree, Herodes mpopahawa' tantara-na mpohoko' Yohanes. Rahoko' mpu'u-imi, rahoo', pai'-i ratarungku'.

Matius 14:6

Ngkai ree, nto'u-na Herodes mpobabehi karamea mpokiwoi eo kaputua-na, ana'-na Herodias tobine modero' hi nyanyoa torata. Goe' lia-i Herodes mpohilo podero'-na.

Matius 2:11

Karata-ra, mesua'-ramo hi rala tomi, mpohilo Ana' toei hante Maria, tina-na. Mowilingkudu-ramo mpopue'-i. Oti toe, karabongka-nami pontimamahia rewa-ra, pai' rajuju-mi pepue'-ra hi Ana' toei. Pepue'-ra toe: bulawa, pai' anu mohonga to masuli' oli-na to rahanga' dupa' pai' mur.

Matius 20:8

”Limpa-mi eo, na'uli'-mi pue' bonea hi mantoro'-na: ’Kio'-ramo topobago toera ria, pai' wai'-ramo gaji'-ra. Wai' ulu gaji' hi tauna to lako' ntepu'u mobago jaa lima we'i. Oti toe, wai' gaji' hi tauna to ntepu'u mobago jaa tolu, duu' rata hi tauna to mobago ngkai mepuloa.’

Matius 25:40

”Pai' Aku' Magau', kutompoi'-ra: ’Bona ni'inca: napa to nibabehi mpotulungi ompi'-ku tohe'ira lau, nau' hadua ompi'-ku to kedi' lia katuwu'-na, batua-na, hibalia nibabehi hi Aku'-mi.’

Matius 26:11

Apa' tokabu-hana, ria oa' loga-ni mpotulungi-ra apa' ria oa'-ra doo-ni. Aga Aku', uma-a mpai' ria oa' doo-ni.

Matius 27:55

Hi ree, wori' wo'o tobine to menaa ngkawao. Hira' toe tobine to mpotuku' pai' mpotulungi Yesus, ntepu'u ngkai pobago-na hi tana' Galilea.

Lukas 24:10

Tobine toera, hira' Maria Magdalena, Yohana, pai' Maria tina Yakobus, pai' tobine ntani'-na to dohe-ra. Ratutura hawe'ea to jadi' toe hi suro Yesus.

Yohanes 12:6

Kakoo–kono-na, Yudas uma kamposaile'-na mpu'u tokabu. Api' katomanako-nadi! Apa' hi'a to ntimamahi doi-ra, pai' pontu-na na'ala' bongo.

Suro 13:1

Hi olo' topetuku' Yesus to hi Antiokhia, ria ba hangkuja dua nabi pai' guru to mpokeni Lolita Pue', hanga'-ra: Barnabas; Simeon to ra'atu Nto'eta; Lukius to ngkai ngata Kirene; Menahem to rapokakama dohe Magau' Herodes Antipas; pai' Saulus.

2 Korintus 8:9

Uma mingki' kupahawa'-koi ompi', apa' ni'inca moto-mi kabohe petulungi-na Pue'-ta Yesus Kristus. Bohe katuwu'-na, tapi' ngkai pe'ahi'-na hi kita', nabahaka omea-mi bona mpotulungi-ta. Napakadingki' katuwu'-na jadi' manusia', bona kita' ma'ala mporata kabohea tuwu'.

Filipi 4:22

Hawe'ea topepangala' hi Yesus to hi ngata rehe'i, nte hira' to hi tomi magau', mpakatu tabe hi koi' ompi'.

1 Timotius 5:10

Kana to monoto kalompe' gau'-ra, rapa'-na: mpewili' lompe' ana'-ra, jole' mpopehani toliu, mpotulungi ompi'–ompi' hampepangalaa'-ra, mpojampangi tauna to hi rala kasusaa', pai' biasa mpobabehi butu nyala pobago to lompe'. Tobalu to hewa toe-mi to natao rapewili' ompi'–ompi' hampepangalaa'.