Lukas 8:25 - Buku Tomoroli' Pojanci to Bo'u

²⁵ Ngkai ree, na'uli'-mi Yesus hi ana'guru-na: ”Napa pai' uma-a nipangala'-e?” Konce pai' me'eka'-ramo, pai' momepololitai-ramo, ra'uli': ”Hema mpu'u-idi tau toii-e? Bangku' ngolu' pai' balumpa nahawai', ratuku' mpu'u-diki-hana hawa'-nae!”

Lukas 8:25 Iomraidhean Croise

Matius 14:31

Kana'ulu-nami Yesus pale-na mpentoe Petrus, na'uli'-ki: ”Kura' rahi-kona pepangala'-nu! Napa pai' morara' nono-nu!”

Matius 17:20

Na'uli' Yesus: ”Wae moto-hawo-le, apa' hangkedi' rahi pepangala'-nie. Ku'uli'-kokoi: ane rii–ria-mi pepangala'-ta nau' hangkutuno'-wadi, uma ria to uma-na madupa'. Ma'ala ta'uli'-ki bulu' toe mai: ’Mentoli-ko ngkai retu!’ bate mentoli-ile. [

Matius 6:30

Jadi', ane Alata'ala mpakancola kowo' to hi papada toera lau–to ria hi eo toe lau, pai' rasuwe mepulo–peliu–liu-nami koi'! Meliu pompewili'-na hi koi'. Jadi', napa-di pai' uma nipangala' pompewili'-nae?

Matius 8:10

Konce-i Yesus mpo'epe lolita tadulako tantara toei. Toe pai' me'ili'-i hi tauna to mpotuku'-i, na'uli'-raka: ”Uma mowo pepangala'-na tau tohe'ii! Nau' hi to Yahudi muli Israel, ko'ia ria haduaa kurata to bohe pepangala'-na, hewa tau toii.

Matius 8:26

Na'uli' Yesus mpo'uli'-raka: ”Napa pai' me'eka'-koi! Kura' rahi pepangala'-ni.” Pemata-nami Yesus mpo'uli': ”Mento'o-ko ngolu'! Rodo-moko balumpa!” Hangaa molino-mi omea.

Markus 4:35

Ncimonou' toe wo'o, Yesus mpo'uli'-raka ana'guru-na: ”Hilou-tamo hi dipo rano.”

Lukas 12:28

Kowo' hi papada tuwu' eo toe lau, mepulo rasuwe oti. Aga nau' wae, Alata'ala mpakancola moto kowo' toe. Peliu–liu-nami koi'! Meliu pompewili' Alata'ala hi koi'. Jadi', napa pai' uma nipangala' pompewili'-nae?

Lukas 8:24

Ana'guru-na hilou hi Yesus mpolike-i, ra'uli': ”Guru! Guru! Mate-ta toi-e!” Pemata-nami Yesus pai'-i mpotagi ngolu' pai' balumpa to mekoroi' toe. Mento'o-mi ngolu', pai' rano molino nculii'. Rodo omea-mi.

Lukas 8:26

Kaliliu-ramo mosakaya, duu'-na rata hi tana' Gerasa to hi dipo rano ngkai tana' Galilea.

Yohanes 11:40

Na'uli' Yesus mpo'uli'-ki Marta: ”Ha uma ku'uli'-mikoko we'i, ane mepangala'-ko, nuhilo moto mpai' kabohe baraka'-na Alata'ala.”