Lukas 8:24 - Buku Tomoroli' Pojanci to Bo'u

²⁴ Ana'guru-na hilou hi Yesus mpolike-i, ra'uli': ”Guru! Guru! Mate-ta toi-e!” Pemata-nami Yesus pai'-i mpotagi ngolu' pai' balumpa to mekoroi' toe. Mento'o-mi ngolu', pai' rano molino nculii'. Rodo omea-mi.

Lukas 8:24 Iomraidhean Croise

Matius 14:30

Aga kanahilo-na bohe rahi ngolu' hi rano, me'eka'-imi, pai' katenoo–nonoa'-imi. Kamekio'-nami: ”Tulungi-a-kuwo Pue'!”

Matius 8:25

Ana'guru-na hilou mpolike-i, ra'uli'-ki: ”Pue'! Tulungi! Mate-ta toi-e!”

Markus 4:39

Pemata-nami Yesus pai'-i mpotagi ngolu' pai' balumpa, na'uli': ”Mento'o-ko ngolu'! Rodo-moko balumpa!” Mento'o mpu'u-mi-hawo ngolu', pai' muu–mule' molino nculii'-mi rano.

Lukas 4:35

Yesus mpo'uli'-ki seta toei: ”Ngkaba'i-ko! Palai-ko ngkai tauna tetui!” Seta to mpesuai' tau toei mpodungka-i hi laintongo' ntodea, pai'-i malai, aga uma-i napopai–pai.

Lukas 4:39

Lou-imi Yesus mokore hi ncori poturua-na, pai' na'uli': ”Palai-ko haki'!” Ncaliu mo'uri'-imi, pai' memata-i mpolayani-ra.

Lukas 5:5

Na'uli' Simon: ”Guru, hamengia-makai ngone mobago, aga uma hama'aa ihi' jala'-kai. Aga nau' wae, kutene' moto, lawi' nuhubui-kai.”

Lukas 8:25

Ngkai ree, na'uli'-mi Yesus hi ana'guru-na: ”Napa pai' uma-a nipangala'-e?” Konce pai' me'eka'-ramo, pai' momepololitai-ramo, ra'uli': ”Hema mpu'u-idi tau toii-e? Bangku' ngolu' pai' balumpa nahawai', ratuku' mpu'u-diki-hana hawa'-nae!”