Lukas 8:21 - Buku Tomoroli' Pojanci to Bo'u

²¹ Tapi' Yesus mpo'uli'-raka: ”Ane to kupotina pai' to kupo'ompi'-le, tauna to mpo'epe pai' mpotuku' Lolita Alata'ala.”

Lukas 8:21 Iomraidhean Croise

Matius 17:5

Bula-na mololita-pidi Petrus, muu–mule' hompo-mi limu' to mehini mpokamoui-ra, pai' ngkai rala limu' toe mpo'epe-ra topololita to mpo'uli': ”Hi'a toi-mi Ana'-ku to kupe'ahi'. Hi'a mpakagoe' nono-ku. Pe'epei-mi lolita-na!”

Matius 25:40

”Pai' Aku' Magau', kutompoi'-ra: ’Bona ni'inca: napa to nibabehi mpotulungi ompi'-ku tohe'ira lau, nau' hadua ompi'-ku to kedi' lia katuwu'-na, batua-na, hibalia nibabehi hi Aku'-mi.’

Matius 25:45

”Pai' Aku' Magau', kutompoi'-ra: ’Bona ni'inca: apa' uma-koina nitulungi-ra tauna to kedi' tuwu'-ra tohe'i-era lau, batua-na, Aku'-mi to uma nitulungi tetu-e.’ ”

Matius 28:10

Na'uli' mpo'uli'-raka: ”Neo' me'eka'! Hilou-mokoi, uli'-raka ompi'-ku bona hilou-ra hi Galilea, hi ria mpai' rahilo-a.”

Lukas 8:15

”Hawua' to monawu' hi tana' to morudu' mpobatuai tauna to mpo'epe Lolita Alata'ala, pai' lolita toe rakakamu hante kanoa' pai' karoli' nono-ra. Ntaha-ra mpotuku' Lolita Alata'ala, duu'-na ria kalaua-na hi katuwu'-ra.

Lukas 8:20

Ria hadua to mpo'uli'-ki Yesus: ”Guru, tina-nu pai' ompi'-nu, oe-ra ria hi mali-na, doko' mpohirua'-koko.”

Yohanes 13:17

Ane ni'inca-damo tudui' toi, marasi'-koi ane nituku'.

Yohanes 20:17

Na'uli' Yesus mpo'uli'-ki Maria: ”Neo'-a ulu nukamu, apa' ko'ia-a mengkahe' hilou hi Tuama-ku. Hilou-ko hi ompi'-ku, uli'-raka kahilou-ku hi Tuama-ku bo Tuama-ni, Alata'ala-ku bo Alata'ala-ni.”

2 Korintus 5:16

Jadi', toe pai' uma-pakai mpelence tauna ntuku' napa to kahiloa hi mali-na-wadi. Owi ki'uli' Kristus manusia' biasa-i-wadi, aga tempo toi uma-pi hewa toe pekiri-kai.

2 Korintus 6:18

”Aku'-mi nipotuama, pai' koi' kupo'ana'.” Wae-mi ponguli' Pue', to meliu kabaraka'-na ngkai hawe'ea to ria.

Yakobus 1:22

Jadi', kana tatuku'-mi Lolita Pue', neo' ra'epe mara-wadi. Apa' ane ta'epe mara-wadi, mpobagiu woto-ta moto-tamo.

1 Yohanes 2:29

Kristus mpotuku' oa' konoa Alata'ala. Ni'inca moto toe ompi'. Jadi', ni'inca wo'o: hawe'ea tauna to mpotuku' konoa Alata'ala, napo'ana' Alata'ala-ramo.

3 Yohanes 1:11

Bale! Neo' mpenau' to dada'a. Penau' to lompe'. Tauna to mpobabehi to lompe', napo'ana' Alata'ala-ra. Tauna to mpobabehi to dada'a, ko'ia-ra mpo'incai-i Alata'ala.