Lukas 8:13 - Buku Tomoroli' Pojanci to Bo'u

¹³ ”Hawua' to monawu' hi watu mpobatuai tauna to mpo'epe Lolita Alata'ala pai' ratarima hante goe' nono-ra. Mepangala' moto-ra, aga pepangala'-ra tetu uma moroho, hewa hinu'a to uma morali'. Toe pai' ane rata-damo pesori, mo'ungkere'-ramo, uma-rapa mepangala'.

Lukas 8:13 Iomraidhean Croise

Markus 6:20

apa' Herodes mpohubui tantara-na mpojaga-i hi rala tarungku'. Me'eka'-i mpatehi Yohanes apa' na'inca, tauna to monoa'-i pai' moroli' wo'o-i. Ane Herodes mpo'epe Yohanes mpololitai-i, mokarara' nono-na, aga goe' wo'o-i mpo'epe-i mololita.

Lukas 8:12

Hawua' to monawu' hi mata ohea mpobatuai tauna to mpo'epe Lolita Alata'ala, aga Magau' Anudaa' mpohilingai' nono-ra, alaa-na uma-ra mepangala', pai' uma-ra tebahaka ngkai huku' jeko'-ra.

Lukas 8:14

”Hawua' to monawu' hi laintongo' rui mpobatuai tauna to mpo'epe Lolita Alata'ala, aga ntora mpenonoi katuwu'-ra hi rala dunia', doko' mo'ua' pai' doko' mporata kagoea'. Hawe'ea toe mposesei'-ra, alaa-na uma-ra kaliliu mpotuku' Lolita Alata'ala, pai' uma ria kalaua-na hi katuwu'-ra.

Yohanes 15:2

Hawe'ea ra'a to mentaka' hi Aku' to uma mowua', nalali. Pai' hawe'ea ra'a to mentaka' hi Aku' pai' to mowua', napeholui pai' napegalihi, bona kawoo–woria' wua'-na.

Yohanes 15:6

Hema to uma tida hintuwu' hante Aku' bate ratadi, hewa karatadi-na ra'a to mohepi' duu'-na jadi' bangi. Ra'a to hewa toe, rarumpu pai' ratene' hi rala apu.

Yohanes 5:35

Yohanes toei hewa lampu to mehini pai' ngkeni kabajaa-na hi koi'. Pai' koi', goe' lia moto-koi mpo'epe lolita-na. Aga kagoe'-ni tetu hampai'-wadi.

1 Korintus 13:2

Ane rapa'-na mporata-ta pakulea' mpohowa' lolita Alata'ala pai'-ta mporata hawe'ea pe'inca ngkai Alata'ala duu'-na ta'inca hawe'ea to uma ra'incai doo; pai' ane moroho pepangala'-ta duu'-na ma'ala-ta mpopentoli bulu'; tapi' ane uma ria ahi'-ta hi doo, uma ntoto ria tuju-na tuwu'-ta.

1 Korintus 15:2

Tehore-mokoi ngkai huku' jeko'-ni, asala moroho pongkakamu-ni Kareba Lompe' to kuparata-kokoi toe, nee–neo' mpai' uma ria tuju-na pepangala'-ni.

Galatia 3:1

Wojo mpu'u-koi, ompi'–ompi' to Galatia! Napa-di pai' nipelele' tauna mpobagiu-koi, alaa-na uma-pi nituku' tudui' to makono-e? Tudui'-ku wengi hi koi' ompi' monoto lia, mpakanoto patuju Yesus Kristus mate hi kaju parika'.

Galatia 3:4

Nee–neo' mpai' meleli' mpu'u-koi ngkai petuku'-ni hi Pue' Yesus. Nee–neo' uma-pi ria kalaua-na hawe'ea pegane' Alata'ala to nirasai-mi. Kusarumaka bate ria kalaua-na!

Efesus 3:17

duu'-na Kristus tida mo'oha' hi rala nono-ni ngkai pepangala'-ni. Mosampaya-a bona katuwu'-ni telihii hante ahi' Alata'ala, pai' ahi'-na toe morali' hi rala nono-ni.

Kolose 1:23

Toe-mi ompi', tida-mokoi mepangala', neo' mogego', neo' nipelele' ba hema–hema to doko' mpobagiu-koi. Perohoi ngkakamu tudui' to ni'epe-mi. Neo' nibahakai ncarumaka napa to najanci-kokoi Alata'ala hi rala Kareba Lompe'. Kareba Lompe' toe, rapalele-mi hi humalili' dunia'. Pai' aku', jadi' pahawaa' Pue' wo'o-ama-kuwo, mpopalele Kareba toe.

Kolose 2:7

Pakatiri pai' pakatida nono-ni hi Hi'a, pakatede' pepangala'-ni, hewa to oti-mi ratudui'-kokoi. Pai' hi rala nono-ni mpo'uli' tarima kasi oa'-koi hi Alata'ala.

1 Tesalonika 3:5

Jadi', toe-die pai' kuhubui-i Timotius tilou-e, bona ku'inca kabeiwa-na pepangala'-ni, apa' uma mpu'u-pi kudadahi kalentora-ku. Pai' koro'-a, nee–neo' nasori Magau' Topesori-koi duu'-na napanawu'-koi pai' uma-pi ria kalaua lenge'-kai mpokeni Kareba Lompe' hi koi'.

1 Timotius 1:19

Perohoi pepangala'-nu, pai' babehi oa' gau' to lompe' hewa to nu'inca hi rala nono-nu. Ria ba hangkuja dua tauna to uma-pi mposaile' hawe'ea toe, alaa-na mokero-mi pepangala'-ra.

Ibrani 10:39

Kita' tohe'i ompi', bela-ta tauna to ngkala'ura pai' to rahuku'. Kita' toi tauna to mepangala' pai' to mporata katuwua' to lompe'.

Yakobus 2:26

Jadi', hewa woto to uma inohaa', ta'uli' mate-imi. Wae wo'o pepangala'-ta, ane uma incana hi po'ingku-ta, hibali mate, uma ria kalaua-na.

2 Petrus 2:20

Mpe'ahii' mpu'u-ra tauna toera. Ra'inca mpu'u-i Pue'-ta Yesus Kristus, Magau' Tompohore-ta ngkai huku' jeko'-ta, duu'-na tebahaka-ramo ngkai gau'–gau' to dada'a hi dunia' toi. Hiaa' oti toe tewirincilu' nculii' wo'o-ramo hante gau' to dada'a, duu'-na gau' to dada'a toe mpokuasai-ra. Ka'omea-na meliu kasilaka-ra ngkai to lomo'-na.

2 Petrus 2:22

Ria lolita rapa' to mpo'uli' hewa toi: ”Dike' ngkoni' nculii' koja'-na, wawu to teniu'-mi hilou motampo' nculii' hi rege'.” Lolita toe bate soso' mpu'u hi tauna toera, apa' rakanculihii-rana kadada'aa to rapalahii-mie wengi.

1 Yohanes 2:19

Bali' Kristus toera, tauna to dohe-ta ri'ulu, tapi' kakoo–kono-na, bela-ra doo-ta. Toe pai' malai-ramo ngkai kahintuwuaa'-ta. Ane ke doo-ta mpu'u-rale, ke bate tida moto-ra dohe-ta. Tapi' malai-ramo-rana ngkai kahintuwuaa'-ta, toe pai' ta'inca-mi ka'uma-na ria haduaa-ra to tono' hi kita'.

Yudas 1:12

Hi poromua-ni, guru to boa' toera ngkoni' moto hangkaa–ngkania hante koi', ntani' hewa doo-ni moto, aga me'eai' lia kehi-ra. Mokalila'-ra-damo ngkoni' hi poromua-ni nakeni kajampa-ra, pai'-ra mpenonoi woto-ra moto-wadi. Hira' toe hewa limu' to motiti aga uma ngkeni uda, apa' waro wae-wadi nawui ngolu'. Hira' hewa kaju to uma mowua' hi tempo-na, toe pai' rawuka lau-mi, alaa-na bangi.