Lukas 8:10 - Buku Tomoroli' Pojanci to Bo'u

¹⁰ Na'uli' Yesus: ”Owi, Alata'ala ko'ia mpopo'incai manusia' beiwa-i mpai' jadi' Magau' hi dunia'. Aga hewa toe lau, napopo'incai-mokoi tudui' toe. Aga ane ntodea-hana, kutudui'-ra hante lolita rapa', bona madupa' lolita Buku Tomoroli' to mpo'uli': ’Pe'epe moto-ra, aga uma oa' ra'incai batua-na. Pehilo moto-ra, aga hewa to uma oa' monoto rahilo.’

Lukas 8:10 Iomraidhean Croise

Matius 11:25

Nto'u toe, Yesus mosampaya, na'uli': ”O Mama, Pue' langi' pai' dunia'! Mpo'uli'-a tarima kasi, apa' hawe'ea toe lau nupopohiloi-raka tauna to uma pe'incai, tapi' nuwunii'-raka tauna to nginca pai' tauna to pante,

Matius 16:17

Na'uli' Yesus: ”Marasi' mpu'u-ko, Simon ana' Yunus, apa' bela manusia' to mpopo'incai-ko tetu-e, Tuama-ku to hi rala suruga-hana.

Markus 4:11

Na'uli' Yesus: ”Owi, Alata'ala ko'ia mpopo'incai manusia' beiwa-i mpai' jadi' Magau' hi dunia'. Aga hewa toe lau, napopo'incai-mokoi tudui' toe. Tapi' ane tauna to bela topetuku'-ku, kutudui'-ra hante lolita rapa',

Markus 4:12

bona madupa'-mi lolita Buku Tomoroli' to mpo'uli': ’Pe'epe moto-ra, aga uma oa' ra'incai batua-na. Pehilo moto-ra, aga hewa to uma oa' monoto rahiloi. Jadi', uma oa'-ra nculii' hi Alata'ala, pai' jeko'-ra uma te'ampungi.’ ”

Yohanes 12:40

”Na'uli' Pue' Ala: ’Tungkai' kupakawero-ra, bona uma-ra pehilo. Kupakako'o nono-ra, bona nono-ra uma monoto. Ka'omea-na mpai' uma-ra nculii' hi Aku', toe pai' uma-ra kuwai' kalompea'.’ ”

Roma 16:25

Une'-imi Alata'ala! Hewa to ku'uli' hi rala Kareba Lompe' to kuparata to mpotudui' kahema-na Yesus Kristus, mobaraka' mpu'u-i Alata'ala mpakatida pepangala'-ni. Kareba Lompe' to kuparata toi, mo'atu–atu mpae-mi uma ra'incai manusia'.

1 Korintus 12:11

Hawe'ea toe, Inoha' Tomoroli' to hadua toe oa' wo'o-i-wadi pue' bago. Nabagi–bagi pewai'-na hi butu–butu dua-ta ntuku' kabotu'-na Hi'a moto.

Kolose 2:2

Pai' ku'uli'-kokoi toe, bona terohoi nono-ni omea pai' momepoka'ahi'-koi, duu'-na hintuwu'-mokoi. Konoa-ku, bona monoto mpu'u nono-ni mpopaha patuju-na Alata'ala to ko'ia ra'incai manusia' ngkai owi. Konoa-ku, bona ni'inca patuju-na Alata'ala toe hante uma ria kamoraraa'-na–batua-na, bona ni'inca-imi Kristus.

1 Timotius 3:16

Uma mowo kalompe'-na tudui' to tatuku' hi pengkoru-ta hi Alata'ala. Ngkai owi, tudui' toe ko'ia rapopehuwu hi manusia', tapi' hewa toe lau napopehuwu-mitaka Alata'ala. Apa' mepangala'-ta hi Alata'ala to mewali manusia'. Inoha' Tomoroli' mpakanoto kahema-na, pai'-i rahilo mala'eka. Rapalele kareba-na hi tauna to ko'ia mpo'incai Alata'ala. Tauna hi humalili' dunia' mepangala' hi Hi'a. Ra'ongko'-imi hilou hi suruga, pai'-i rawai' kabohea tuwu'.