Lukas 8:1 - Buku Tomoroli' Pojanci to Bo'u

¹ Oti toe, Yesus mpodaoi' wori' ngata mpopalele Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Ana'guru-na to hampulu' rodua mpodohei-i.

Lukas 8:1 Iomraidhean Croise

Matius 11:1

Kahudu-na Yesus mpotudui' ana'guru-na to hampulu' rodua, hilou-imi metudui' pai' mpopalele Kareba Lompe' hi rala ngata–ngata to mohu'.

Matius 13:19

Hawua' to monawu' hi mata ohea mpobatuai tauna to mpo'epe moto kareba to mpo'uli' beiwa Alata'ala jadi' Magau', aga uma rapoinono. Rata anudaa' mpohagoi-ra lolita toe ngkai rala nono-ra.

Matius 4:23

Yesus modao' hobo' hi tana' Galilea pai'-i metudui' hi rala tomi posampayaa. Mpoparata-i Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Yesus mpaka'uri' wo'o hawe'ea tauna to peda' pai' to keru.

Matius 9:35

Yesus modao' mpokinomo butu ngata-na. Metudui'-i hi tomi posampayaa, mpoparata Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Mpaka'uri' wo'o-i hawe'ea tauna to peda' pai' to keru.

Markus 1:39

Ngkai ree, kahilou-nami Yesus hante ana'guru-na mpokeni Lolita Alata'ala hi hawe'ea ngata hi tana' Galilea. Metudui'-i hi rala tomi–tomi posampayaa, pai'-i mpopalai seta to mpesuai' tauna.

Lukas 1:80

Ana' Zakharia toei, kaboo–bohea kamonoo–notoa nono-na. Mo'oha'-i hi papada to wao', duu'-na rata tempo-na natepu'u-mi mpokeni Lolita Pue' hi muli Israel.

Lukas 20:1

Rala-na ha'eo Yesus metudui' pai' mparata Kareba Lompe' hi wori' tauna hi Tomi Alata'ala. Muu–mule' rata-ramo imam pangkeni hante guru agama pai' pangkeni to Yahudi ntani'-na. Ra'uli' mpo'uli'-ki Yesus:

Lukas 4:18

”Inoha' Pue' Ala hompo hi Aku', apa' nawati'-ama mpokeni Kareba Lompe' hi tauna to mpe'ahii' tuwu'-ra. Nasuro-a mpo'uli'-raka to ratawani: ’Tebahaka-mokoi!’ Nasuro-a mpo'uli'-raka towero: ’Pehilo-mokoi!’ Nahubui-a mpobahaka-ra to rapobatua.

Lukas 9:6

Ka'oti-na Yesus mpotudui'-ra, me'ongko'-ramo hilou hi ngata–ngata. Hiapa pomakoa'-ra, mpokeni-ra Kareba Lompe' pai' mpaka'uri' topeda'.

Suro 10:38

Ni'inca wo'o tutura Yesus to Nazaret. Alata'ala mpopelihi-i pai' mpowai'-i Inoha' Tomoroli' pai' baraka'. Hiapa pomakoa'-na hi tana' to Yahudi, nababehi to lompe', pai' napaka'uri' hawe'ea tauna to nakuasai Magau' Anudaa', apa' Alata'ala mpodohei-i.

Suro 13:32

”Jadi' ompi'–ompi', hewa toe lau, kai'-mi to mparata-kokoi Kareba Lompe' tohe'i. Napa to najanci Alata'ala owi hi ntu'a-ta, napadupa' hi kita' muli-ra tempo toi-e hi kanapotuwu'-na nculii' Yesus ngkai kamatea. Hewa to te'uki' hi rala Rona' Daud karomeha'-na: ’Iko-mi Ana'-ku. Eo toe lau kupo'Ana'-moko.’

Roma 10:15

Pai' hema mpai' to mpokarebai-raka ane uma hema to rasuro? Hewa to te'uki' owi hi rala Buku Tomoroli': ”Lompe' lia karata tauna to mpokeni kareba lompe'!”