Lukas 7:8 - Buku Tomoroli' Pojanci to Bo'u

⁸ Apa' aku' toi-e, pahawaa' wo'o-a-wadi-kuwo, pai' ria wo'o-ra-kuwo to kuhawai'. Ane rapa'-na ria hawa'-ku hi hadua tantara mpo'uli'-ki: ’Hilou-ko!’ bate hilou-i. Ane mekio'-a hi tantara kahadua-na: ’Mai-ko!’ bate tumai-i. Ane ku'uli'-raka batua-ku: ’Babehi toe!’ bate rababehi. Wae wo'o-kowo Iko Tuama, napa to nu'uli' hi retu, bate madupa' hi rei.”

Lukas 7:8 Iomraidhean Croise

Lukas 7:7

Toe pai' uma-a daho' tilou hi Iko Tuama, apa' uma-a natao mpohirua'-koko. Nau' lolita hamela-wadi nu'uli', bate mo'uri'-i mpai' batua-ku.

Lukas 7:9

Konce-i Yesus mpo'epe lolita ngkai tadulako toei. Toe pai' me'ili'-imi hi ntodea to mpotuku'-i, pai' na'uli'-raka: ”Uma mowo pepangala'-na tau toei ria! Nau' hi to Yahudi muli Israel, ko'ia ria haduaa kurata to bohe pepangala'-na hewa tauna toei ria.”

Suro 23:17

Ngkai ree, Paulus mpokio' hadua tadulako pai' na'uli'-ki: ”Po'ema' ana' toii hilou hi kapala'. Ria anu naparata.”

Suro 23:23

Oti toe, kapala' tantara toei mpokio' rodua tadulako-na, pai' na'uli'-raka: ”Porodo ro'atu tantara biasa, pai' pitu mpulu' tantara to mojara', pai' ro'atu wo'o tantara to moponcii'. Porodo wo'o jara' to nahawi' Paulus. Jaa sio bengi toe mpai' lau, me'ongko'-mokoi hilou hi Kaisarea, keni-i Paulus hilou hi Gubernur Feliks. Pai' jaga lompe'-i bona uma-i moapa hi ohea.”

Suro 23:26

”Hi Gubernur Feliks to rabila'. Wori' tabe ngkai aku', Klaudius Lisias!

Suro 23:31

Ngkai ree, ka'oti-na na'uki' sura toe, nahubui tantara-na mpokeni-i Paulus hilou hi Gubernur. Hi bengi toe rakeni-i hilou hi ngata Antipatris.

Suro 24:23

Oti toe, nahawai' tadulako-na mpojaga Paulus. Tapi' nau' rajaga-i, uma-i hewa tauna to ratarungku' mpu'u. Apa' rapalogai moto-i modao', pai' rapiliu moto bale-na mpowai'-i napa to naparaluu.

Suro 25:26

Aga ko'ia-kuwo ria kanoaa'-na to natao ku'uki' hi rala sura-ku to hilou hi Kaisar. Jadi', toe pai' hewa toe lau, kukeni-i tumai hi rehe'i, hangkedia'-nami hi Magau' Agripa to kubila'. Patuju-ku, ane hudu-pi pomparesa'-ta tohe'i, ria-mi to ma'ala ku'uki'.

Kolose 3:22

Ompi'–ompi' to tuwu' batua, tuku' hawe'ea hawa' maradika-ni to hi dunia' toi. Neo' nituku' hawa'-ra nto'u-ni rahilo-wadi apa' kadoko'-ni ra'une'-wadi. Tuku' hawa'-ra ngkai kabula nono-ni, hewa pengkoru-ni hi Pue'.