Lukas 7:42 - Buku Tomoroli' Pojanci to Bo'u

⁴² Ngkai ka'uma-napi rakulei' mpobayari inta-ra, na'uli'-mi tauna to rapohentai toei: ’Uma-pi mingki' nibayari inta-ni.’ Jadi', hema ngkai hira' to rodua toera to meliu ahi'-ra hi popa'intaa-ra?”

Lukas 7:42 Iomraidhean Croise

Matius 18:27

”Ngkai ree, metumu' lau-mi ahi'-na magau' mpoka'ahi' batua-na toei. Nabahaka-imi pai' na'uli'-ki: ’Inta-nu, uma-pi mingki' nubayari.’

Matius 18:34

Uma-pi mowo roe-na magau'. Batua to dada'a gau'-na toei napopesua' hi rala tarungku' duu'-na tebayari oti inta-na.”

Matius 6:12

Ampungi sala'-kai, hewa kai' wo'o mpo'ampungi sala' doo hi kai'.

Lukas 7:43

Natompoi' Simon: ”Ba tauna to wori' inta-na tu?” Na'uli' Yesus: ”Makono tompoi'-nu.”

Roma 3:24

Aga nabahaka-tamo ngkai huku' jeko'-ta toe, pai' na'uli' kamonoa'-ta hi poncilo-na sabana petolo' Kristus Yesus. Hawe'ea toe, pewai' mara Alata'ala hi kita' ngkai kabula rala-na.

Roma 5:6

Hewa toi-mi ahi' Alata'ala hi kita': hi tempo to napakatantu Alata'ala, nto'u-na uma ria karohoa-ta mpotulungi woto-ta moto, nto'u toe-mi Kristus mate mposampei-ta. Hiaa' bo nto'u toe, molaa-ta ngkai Alata'ala.

Galatia 3:10

Hi rala Buku Tomoroli' owi te'uki' hewa toi: ”Hema to uma tida mpotuku' butu nyala parenta to te'uki' hi rala Atura Musa, bate natotowi-ra Alata'ala.” Jadi', hema to doko' jadi' monoa' hi poncilo Alata'ala hi kampotuku'-ra Atura Musa, natotowi Alata'ala lau-ra mpai', apa' uma hema to mpokule' mpotuku' omea.

Efesus 1:7

Ngkai raa' kamate-na Yesus pai' ngkai posidaia'-ta hante Hi'a, Alata'ala mpotolo'-ta, na'ampungi sala'-ta ngkai kabula rala-na to bohe lia.

Efesus 4:32

Kana lompe' nono-ta pai' momepoka'ahi'-ta hadua bo hadua, pai' mpo'ampungi sala' doo, hewa Alata'ala mpo'ampungi sala'-ta sabana posidaia'-ta hante Kristus.

Kolose 3:13

Neo' ntima' sala' doo ba mowuku nono hi doo. Ampungi doo to masala' hi kita'. Hewa Pue' mpo'ampungi sala'-ta, wae wo'o kita' kana mpo'ampungi doo-ta to masala' hi kita' hante karoli' nono-ta.