Lukas 7:40 - Buku Tomoroli' Pojanci to Bo'u

⁴⁰ Ngkai ree, na'uli' Yesus mpo'uli'-ki to Parisi toei: ”Simon, ria to doko' ku'uli'-koko.” Na'uli' Simon: ”Uli'-mile Guru.”

Lukas 7:40 Iomraidhean Croise

Matius 26:49

Jadi', karata-ra hi ree, kahilou-nami Yudas mpohirua'-ki Yesus, na'uli': ”Wori' tabe, Guru!” pai' na'eki-i ntuku' ada-ra to Yahudi.

Matius 7:22

Hi Eo Kiama mpai', wori' tauna mpo'uli'-ka: ’Pue'! Pue'! Ha uma nu'incai, kai'-mi to mpoparata Lolita Alata'ala hi rala hanga'-nue? Hi rala hanga'-nu kipopalai seta. Pai' wori' wo'o tanda mekoncehi kibabehi hante hanga'-nu Pue'.’

Lukas 18:18

Hangkani, hadua pangkeni to Yahudi mpekune' Yesus, na'uli': ”Guru to lompe', napa to kana kubabehi bona mporata-a-kuwo katuwua' to lompe' duu' kahae–hae-nae?”

Lukas 5:22

Na'inca moto Yesus napa to hi rala nono-ra. Toe pai' na'uli'-raka: ”Napa pai' nipekiri hewa tetu-e?

Lukas 5:31

Na'uli' Yesus mpo'uli'-raka: ”Tauna to uma peda', uma mingki' rapokulii'. Tauna to peda'-wadi-hawo to paraluu rapokulii'.

Lukas 6:8

Aga na'inca moto Yesus anu hi nono-ra. Toe pai' na'uli' mpo'uli'-ki tauna to mate pale-na hamali toei: ”Mai-moko mokore hi laintongo' rei!” Hilou mpu'u-imi-hawo mokore hi ree.

Lukas 7:39

Nahilo to Parisi babehia tobine toei. Mololita bongo-imi hi rala nono-na, na'uli': ”Ane bongko nabi mpu'u-i tau toei, ke na'inca kahema-na tobine to mpoganga-i toe, ka'uma-na tumotoa gau'-na.”

Lukas 7:41

Na'uli' Yesus: ”Ria rodua tauna to mo'inta hi tauna to ma'ala rapohentai doi. Hadua mpohenta lima atu doi pera', to hadua lima mpulu'-wadi.

Yohanes 13:13

Aku', nikio'-a Guru-ni pai' Pue'-ni, pai' bate wae mpu'u.

Yohanes 16:19

Na'inca Yesus kadoko'-ra mpekune'-i. Toe pai' na'uli'-raka: ”Ntora momepekune'-koi ba napa batua-na lolita-ku we'i to mpo'uli': ’Hampai'-damo pai' uma-apa nihiloi. Hampai' wo'o-damo, nihilo wo'o-ama.’

Yohanes 16:30

Monoto mpu'u-mi hi kai': Pue' to mpo'inca omea. Uma-pi mingki' ria to mpekune' ba napa–napa hi Iko. Toe pai' kipangala' ka'Iko-na to ngkai Alata'ala.”

Yohanes 3:2

Rala-na hamengi, rata-i mpohirua'-ki Yesus, na'uli'-ki: ”Guru, to ki'inca, Iko hadua guru to nasuro Alata'ala, apa' uma ria tauna to bisa mpobabehi tanda mekoncehi hewa to nubabehi, ane uma-i nadohei Alata'ala.”