Lukas 7:22 - Buku Tomoroli' Pojanci to Bo'u

²² Na'uli'-mi Yesus mpo'uli'-raka suro Yohanes toera hewa toi: ”Nculii'-mokoi, uli'-ki Yohanes hi retu napa to nihilo pai' to ni'epe: towero pehilo-mi, tokejo momako' monoa'-mi, topohaki' poko' mo'uri', towongo pe'epe, tomate kupotuwu' nculii', pai' Kareba Lompe' kuparata-raka to mpe'ahii' tuwu'-ra.

Lukas 7:22 Iomraidhean Croise

Matius 11:5

To wero pehilo-mi, to kejo momako' monoa'-mi, topohaki' poko' mo'uri', to wongo pe'epe, tomate kupotuwu' nculii', pai' Kareba Lompe' kuparata-mi hi tauna to mpe'ahii' tuwu'-ra.

Matius 21:14

Hi Tomi Alata'ala, tauna towero pai' topungku rata hi Yesus, pai' napaka'uri'-ra.

Lukas 4:18

”Inoha' Pue' Ala hompo hi Aku', apa' nawati'-ama mpokeni Kareba Lompe' hi tauna to mpe'ahii' tuwu'-ra. Nasuro-a mpo'uli'-raka to ratawani: ’Tebahaka-mokoi!’ Nasuro-a mpo'uli'-raka towero: ’Pehilo-mokoi!’ Nahubui-a mpobahaka-ra to rapobatua.

Lukas 7:21

Nto'u toe wo'o-hawo, Yesus mpaka'uri' wori' topeda' ngkai haki'-ra, napopalai anudaa' ngkai tauna to rahawi', pai' napaka'uri' towero bona pehilo-ra.

Lukas 7:23

Marasi'-ra tauna to uma morara' nono-ra hi Aku'.”

Yohanes 1:46

Hampetompoi' Natanael: ”Ha ria wo'o-hawo to lompe' to mehuwu ngkai Nazaret-e?” Na'uli' Filipus: ”Mai-moko, nuhilo moto-i mpai'!” Hilou-ramo hi Yesus.

Suro 26:18

Kusuro-ko hilou mpobini' mata-ra, pai' mpotete'-ra ngkai kabengia-na tumai hi kabajaa-ku; bona tebahaka-ra ngkai kuasa Magau' Anudaa' pai' nakuasai-ramo Alata'ala; bona te'ampugi jeko'-ra pai' jadi'-ramo bagia Alata'ala sabana pepangala'-ra hi Aku'.’

Suro 8:7

Apa' napopalai seta ngkai wori' tauna to rapesuai', alaa-na me'au–au-ramo tauna toera pai' malai mpu'u-mi seta to mpesuai'-ra. Pai' napaka'uri' wo'o wori' tauna topungku pai' tokejo.

Yakobus 2:5

Ompi'-ku to kupe'ahi'! Pe'epei lompe'-dile: tauna to mpe'ahii' katuwu'-ra, nau' uma-ra mo'ua' hi dunia' toi, Alata'ala mpelihi-ra bona jadi' mo'ua' hi pepangala'-ra. Hira' toe-mi mpai' to mporata rasi' hi rala Kamagaua'-na, hewa to najanci-raka tauna to mpoka'ahi'-i.