Lukas 7:19 - Buku Tomoroli' Pojanci to Bo'u

¹⁹ pai' nahubui-ra hilou hi Pue' Yesus, na'uli'-raka: ”Hilou-mokoi hi Yesus pai' uli'-ki retu: ’Ba Iko-mi Magau' Topetolo' to najanci Alata'ala, ba ria-pidi to ntani'-na to kipopea?’ ”

Lukas 7:19 Iomraidhean Croise

Markus 6:7

Mpokio'-i ana'guru-na to hampulu' rodua, nasuro-ra rodua–rodua hampo'emaa', pai' nawai'-ra kuasa mpopalai anudaa'.

Lukas 10:1

Oti toe, Pue' Yesus mpelihi wo'o-mi pitu mpulu' topetuku' to ntani'-na pai' nahubui-ra momako' rodua–rodua meri'ulu ngkai Hi'a hilou hi butu–butu ngata to natara mpai'.

Lukas 11:1

Hangkani Yesus mosampaya. Kahudu-na mosampaya, hadua ana'guru-na mpo'uli'-ki: ”Pue', tudui' wo'o-ka-kaiwo mosampaya, hewa Yohanes Topeniu' mpotudui' ana'guru-na.”

Lukas 11:39

Toe pai' Pue' Yesus mpo'uli'-ki: ”Koi' to Parisi-le hewa tauna to mpobohoi' sangkiri' pai' piri hi mali-na-wadi, hiaa' hi rala-na babo' moto. Ada agama to kahiloa hi mali-na nituku' lia, hiaa' hi rala nono-ni, dada'a-koi pai' mpokahina anu doo-koi.

Lukas 12:42

Na'uli' Pue': ”Rapa'-na ria hadua batua to monoto nono-na pai' to tida mpobago bago maradika-na. Batua toei na'ongko' maradika-na jadi' topohawa' to mpohawai' batua ntani'-na pai' mpobagi-raka pongkoni'-ra butu eo-na.

Lukas 13:15

Na'uli' Pue' Yesus: ”He koi' to lompe' hi mali-na-wadi! Hi Eo Sabat, hema-ta to uma mpobahaka japi ba jara'-ta, takeni hilou hi mali gimpu pai' tapoponginu?

Lukas 17:5

Ra'uli' suro Pue' Yesus mpo'uli'-ki: ”Pue', pakaroho-kaka-kaiwo pepangala'-kai!”

Lukas 17:6

Na'uli' Pue' Yesus: ”Ane rii–ria-mi pepangala'-ni nau' hangkutuno'-wadi, ma'ala ni'uli'-ki kaju to bohe tohe'i: ’Mowuka-moko ngkai rei, mentoli-ko ree mai hi rala tahi'!’ bate mentoli mpu'u-i ntuku' hawa'-ni.

Lukas 18:6

Oti toe, na'uli' Pue' Yesus: ”Pe'epei-koi napa to na'uli' topobotuhi toei. Nau' uma monoa' nono-na, dota moto-i mpotulungi tobalu to ntora mperapii'-i.

Lukas 19:8

Bula-na Pue' Yesus hi tomi Zakheus, mokore-imi Zakheus mpo'uli'-ki: ”Pue', bagi ntongo' ngkai rewa-ku kuwai'-raka tokabu, pai' hema–hema to kubagiu, kupoponculi' opo' ngkani ngkai to kubagiu-raka.”

Lukas 22:61

pai' Pue' me'ili' mponaa-i. Ngkai ree, nakiwoi-mi lolita-na Pue' to mpo'uli'-ki: ”Kako'ia-na turua' manu' bengi mpai', mpolia' tolu ngkani-moko mposapu kanu'inca-ku.”

Lukas 24:34

Ra'uli' to morumpu toera: ”Makono mpu'u-di, katuwu'-na nculii' Pue'-e! Mehupa'-imi hi Simon!”

Lukas 7:13

Kanahilo-na Pue' Yesus tobine toei, metumu'-mi ahi'-na pai' na'uli'-ki: ”Neo'-pi-hawo geo'!”

Lukas 7:20

Hilou mpu'u-ramo suro to rodua toera, pai' ra'uli'-ki Yesus: ”Pai'-kai tumai Guru, nahubui-kai Yohanes mpekune'-ta, ba kita'-midi Magau' Topetolo' to najanci Pue' Ala, ba ria-pidi to ntani'-na to kipopea.”

Yohanes 4:1

To Parisi mpo'epe kawoo–woria' tauna to hilou mpopeniu' hi Yesus jadi' topetuku'-na, alaa-na meliu-pi kawori'-na topetuku'-na Yesus ngkai topetuku'-na Yohanes Topeniu'.

Yohanes 4:25

Na'uli' tobine toei: ”Io', to ku'inca-na, rata mpai' Magau' Topetolo', to rahanga' Kristus. Ane rata-ipi mpai', Hi'a to mpakanoto omea hi kita'.”

Yohanes 6:23

Ngkai ree, rata wo'o tauna ngkai ngata Tiberias hi rala sakaya-ra, pai'-ra mencore mohu' hi pongkonia'-ra ntodea wengi, to mpokoni' roti to nagane' Pue' Yesus.

Pangila 11:3

Nto'u toe mpai', kusuro rodua sabi'-ku hilou mpokeni Lolita-ku. Sabi'-ku to rodua toera moheai pohea mo'eta, hewa to rapake' tauna to susa' nono-ra, pai'-ra mpokeni Lolita-ku rala-na hancobu ro'atu ono mpulu' eo.”