Lukas 7:13 - Buku Tomoroli' Pojanci to Bo'u

¹³ Kanahilo-na Pue' Yesus tobine toei, metumu'-mi ahi'-na pai' na'uli'-ki: ”Neo'-pi-hawo geo'!”

Lukas 7:13 Iomraidhean Croise

Markus 8:2

”Tuna-kuna nono-ku mpohilo tauna to wori' toera lau. Tolu eo-ramo dohe-ku, uma ria pongkoni'-ra.

Lukas 10:1

Oti toe, Pue' Yesus mpelihi wo'o-mi pitu mpulu' topetuku' to ntani'-na pai' nahubui-ra momako' rodua–rodua meri'ulu ngkai Hi'a hilou hi butu–butu ngata to natara mpai'.

Lukas 11:1

Hangkani Yesus mosampaya. Kahudu-na mosampaya, hadua ana'guru-na mpo'uli'-ki: ”Pue', tudui' wo'o-ka-kaiwo mosampaya, hewa Yohanes Topeniu' mpotudui' ana'guru-na.”

Lukas 11:39

Toe pai' Pue' Yesus mpo'uli'-ki: ”Koi' to Parisi-le hewa tauna to mpobohoi' sangkiri' pai' piri hi mali-na-wadi, hiaa' hi rala-na babo' moto. Ada agama to kahiloa hi mali-na nituku' lia, hiaa' hi rala nono-ni, dada'a-koi pai' mpokahina anu doo-koi.

Lukas 12:42

Na'uli' Pue': ”Rapa'-na ria hadua batua to monoto nono-na pai' to tida mpobago bago maradika-na. Batua toei na'ongko' maradika-na jadi' topohawa' to mpohawai' batua ntani'-na pai' mpobagi-raka pongkoni'-ra butu eo-na.

Lukas 13:15

Na'uli' Pue' Yesus: ”He koi' to lompe' hi mali-na-wadi! Hi Eo Sabat, hema-ta to uma mpobahaka japi ba jara'-ta, takeni hilou hi mali gimpu pai' tapoponginu?

Lukas 17:5

Ra'uli' suro Pue' Yesus mpo'uli'-ki: ”Pue', pakaroho-kaka-kaiwo pepangala'-kai!”

Lukas 17:6

Na'uli' Pue' Yesus: ”Ane rii–ria-mi pepangala'-ni nau' hangkutuno'-wadi, ma'ala ni'uli'-ki kaju to bohe tohe'i: ’Mowuka-moko ngkai rei, mentoli-ko ree mai hi rala tahi'!’ bate mentoli mpu'u-i ntuku' hawa'-ni.

Lukas 18:6

Oti toe, na'uli' Pue' Yesus: ”Pe'epei-koi napa to na'uli' topobotuhi toei. Nau' uma monoa' nono-na, dota moto-i mpotulungi tobalu to ntora mperapii'-i.

Lukas 19:8

Bula-na Pue' Yesus hi tomi Zakheus, mokore-imi Zakheus mpo'uli'-ki: ”Pue', bagi ntongo' ngkai rewa-ku kuwai'-raka tokabu, pai' hema–hema to kubagiu, kupoponculi' opo' ngkani ngkai to kubagiu-raka.”

Lukas 22:61

pai' Pue' me'ili' mponaa-i. Ngkai ree, nakiwoi-mi lolita-na Pue' to mpo'uli'-ki: ”Kako'ia-na turua' manu' bengi mpai', mpolia' tolu ngkani-moko mposapu kanu'inca-ku.”

Lukas 24:3

Pesua'-rami hi rala daeo', aga uma raruai' woto-na Pue' Yesus.

Lukas 24:34

Ra'uli' to morumpu toera: ”Makono mpu'u-di, katuwu'-na nculii' Pue'-e! Mehupa'-imi hi Simon!”

Lukas 7:12

Mohu'-ramo hi wobo' wuntu ngata, rahilo-rawo wori' tauna mehupa' ngkai rala ngata, mpokowa' tomate. Tomate toei, hadua kabilasa, ana' hadudua, tina-na balu-mi. Wori' pue' ngata mpodohei tina-na hilou hi daeo'.

Lukas 7:14

Hilou-imi mpoganga pokowa', mentoda'-ramo to mokowa'. Na'uli' Yesus: ”Kabilasa! Kuhubui-ko memata!”

Lukas 7:19

pai' nahubui-ra hilou hi Pue' Yesus, na'uli'-raka: ”Hilou-mokoi hi Yesus pai' uli'-ki retu: ’Ba Iko-mi Magau' Topetolo' to najanci Alata'ala, ba ria-pidi to ntani'-na to kipopea?’ ”

Lukas 8:52

Hawe'ea tauna to morumpu hi tomi Yairus geo' pai' motantangi', mpotantangii' ana' to mate toei. Na'uli' Yesus: ”Neo'-pi-hawo geo'. Uma-ile mate-e, leta'-i-wadi-hawo.”

Yohanes 11:3

Ompi' bine-na to rodua toera mposuro tauna hilou hi Yesus, mpo'uli'-ki: ”Pue', bale-nu to nupe'ahi', peda'-i.”

Yohanes 20:13

Mepekune' mala'eka toera hi Maria ra'uli': ”Napa pai' geo'-ko?” Na'uli' Maria: ”Apa' ra'ala'-imi Pue'-ku ngkai rei, pai' uma ku'incai hiapa karatu'ua-na.”

Yohanes 20:15

Mepekune' Yesus hi Maria: ”Napa pai' geo'-ko totina? Hema to nupali'?” Na'uli'-hawo we'i Maria, pue' pampa moto to nahilo toe-e. Toe pai' na'uli'-ki: ”Ane Iko Tuama to mpo'ala' woto-nae, tudo'-ka-kuwo hiapa pontu'ua-nu, bona ku'ala'-i.”

Yohanes 4:1

To Parisi mpo'epe kawoo–woria' tauna to hilou mpopeniu' hi Yesus jadi' topetuku'-na, alaa-na meliu-pi kawori'-na topetuku'-na Yesus ngkai topetuku'-na Yohanes Topeniu'.

Yohanes 6:23

Ngkai ree, rata wo'o tauna ngkai ngata Tiberias hi rala sakaya-ra, pai'-ra mencore mohu' hi pongkonia'-ra ntodea wengi, to mpokoni' roti to nagane' Pue' Yesus.

1 Korintus 7:30

Tauna to geo', neo' ntora mpenonoi kasusaa'-na. Tauna to goe', neo' ntora mpenonoi kagoea'-na. Tauna to me'oli-mi ba napa–napa, neo' ntora mpenonoi rewa-na.

1 Tesalonika 4:13

Ompi'–ompi', patuju-kai bona ni'inca mpu'u-hawo napa to jadi' hi doo-ta to mate, bona neo' susa' rahi nono-ni hewa tauna to uma ncarumaka Alata'ala.

Ibrani 2:17

Toe pai' Yesus kana mewali manusia' pai' jadi' hibalia hante kita' ompi'–ompi'-na hi butu nyala-na, bona Hi'a jadi' Imam Bohe to ma'ahi' pai' to tida hi kampobago-na bago to nawai'-ki Alata'ala, mpohompo' jeko' ntodea.

Ibrani 4:15

Apa' Imam Bohe-ta tohe'i-e, bela-i imam to uma mporasai kalentea-ta. Narasai moto, apa' rasori wo'o-imi-hawo hi butu nyala-na hewa kita', aga uma-i-hana mojeko'.