Lukas 7:12 - Buku Tomoroli' Pojanci to Bo'u

¹² Mohu'-ramo hi wobo' wuntu ngata, rahilo-rawo wori' tauna mehupa' ngkai rala ngata, mpokowa' tomate. Tomate toei, hadua kabilasa, ana' hadudua, tina-na balu-mi. Wori' pue' ngata mpodohei tina-na hilou hi daeo'.

Lukas 7:12 Iomraidhean Croise

Lukas 7:11

Uma mahae ngkai toe, hilou-imi Yesus hi ngata to rahanga' Nain, hante ana'guru-na pai' wori' tau ntani'-na dohe-ra.

Lukas 7:13

Kanahilo-na Pue' Yesus tobine toei, metumu'-mi ahi'-na pai' na'uli'-ki: ”Neo'-pi-hawo geo'!”

Lukas 8:42

Apa' ria ana'-na tobine hadudua-wadi, umuru-na hampulu' rompae, peda' neo' mate. Hilou mpu'u-i Yesus dohe-na. Bula-ra momako' hilou hi tomi-na Yairus, mome'upi'-damo tauna to wori' mpo'upi' Yesus.

Lukas 8:52

Hawe'ea tauna to morumpu hi tomi Yairus geo' pai' motantangi', mpotantangii' ana' to mate toei. Na'uli' Yesus: ”Neo'-pi-hawo geo'. Uma-ile mate-e, leta'-i-wadi-hawo.”

Yohanes 11:19

Jadi', wori'-ra to Yahudi to tumai mpotanta'u Marta pai' Maria hi kamate ompi'-ra toe.

Suro 9:39

Metuku' mpu'u-imi Petrus hilou dohe-ra. Karata-ra hi Yope, kaliliu rapo'ema'-i hilou hi powataa tomate. Hawe'ea tobine tobalu mpotipuhi Petrus. Geo'-ra pai' rapopohiloi-i baju pai' pohea to nadau-raka Dorkas bula-na tuwu'-pidi.

Suro 9:41

Petrus mpokakamu pale-na pai' mpo'ore'-i duu'-na mokore. Oti toe, nakio' nculii'-ramo topetuku' Yesus pai' tobalu to nahubui malai-e we'i, pai' na'uli'-raka: ”Ohe'i-imi bale-ni, tuwu' nculii'-imi.”

Yakobus 1:27

Ane po'ingku tauna to mo'agama mpu'u hante uma ria pebagiua-na ba kasalaia'-na hi poncilo Alata'ala to Tuama, hewa toi: mpewili' ana' ilu pai' tobalu to mpe'ahii' tuwu'-ra, pai' neo' mpotuku' gau'-ra to uma mpo'incai Alata'ala.