Lukas 6:6 - Buku Tomoroli' Pojanci to Bo'u

⁶ Hangkani wo'o nto'u Eo Sabat, hilou-i metudui' hi tomi posampayaa. Hi tomi posampayaa toe, ria hadua tauna to mate pale ka'ana-na.

Lukas 6:6 Iomraidhean Croise

Matius 4:23

Yesus modao' hobo' hi tana' Galilea pai'-i metudui' hi rala tomi posampayaa. Mpoparata-i Kareba Lompe', na'uli': ”Neo' rata-mi tempo-na Alata'ala jadi' Magau' hi dunia'.” Yesus mpaka'uri' wo'o hawe'ea tauna to peda' pai' to keru.

Lukas 13:10

Hangkani, Yesus metudui' hi tomi posampayaa nto'u Eo Sabat, eo pepuea'-ra to Yahudi.

Lukas 14:3

Yesus mpekune'-ra guru agama pai' to Parisi, na'uli': ”Ntuku' atura agama-ta, ma'ala-ta mpaka'uri' topeda' hi Eo Sabat, ba uma-di?”

Lukas 4:16

Hilou-imi Yesus hi Nazaret, ngata kabohea-na. Pai' hewa kabiasaa-na, mesua'-imi hi tomi posampayaa hi Eo Sabat, eo pepuea'-ra to Yahudi. Mokore-imi bona mpobasa Buku Tomoroli'.

Lukas 4:31

Oti toe, Yesus hilou hi ngata Kapernaum hi tana' Galilea. Karata-na hi ree, metudui' wo'o-i hi tomi posampayaa hi Eo Sabat.

Lukas 6:1

Hangkani Yesus pai' ana'guru-na ntara rala bonea nto'u Eo Sabat, eo pepuea'-ra to Yahudi. Bula-ra mpotara bonea toe, ana'guru-na mpotepo' wua' gandum, raporo bona molepa' kuluma-na, pai' raru'a.

Lukas 6:5

Ngkai ree, na'uli' wo'o-mi Yesus: ”Aku' Ana' Manusia', ria kuasa-ku mpo'uli' napa to ma'ala rababehi hi eo pepuea'.”

Yohanes 5:3

Hi retu, wori' tauna to peda'. Ria towero, ria tokejo, ria topungku, ntora turu hi pengkawinaraa, [mpopea kamojago-na ue wuhu'.

Yohanes 9:16

Ba hangkuja dua ngkai to Parisi toera mpo'uli': ”Tauna to mpobabehi tetu, uma-i ngkai Alata'ala, bo uma-i mpotuku' palia-ta hi Eo Sabat.” Tapi' to hantongo' mpo'uli': ”Hiaa' ane topojeko'-i, ngkaiapa-di baraka'-na mpobabehi wori' tanda mekoncehi hewa tohe'i-e?” Alaa-na, ria lau-mi pomehonoa' hi himpau hira'.