Lukas 6:47 - Buku Tomoroli' Pojanci to Bo'u

⁴⁷ Tauna to tumai hi Aku' mpo'epe pai' mpotuku' tudui'-ku, hira' hewa tauna hi rala lolita rapa' tohe'i:

Lukas 6:47 Iomraidhean Croise

Matius 12:50

Apa' hema–hema to mpobabehi konoa Tuama-ku to hi rala suruga, hira'-mi ompi'-ku pai' hira'-mi tina-ku.”

Matius 17:5

Bula-na mololita-pidi Petrus, muu–mule' hompo-mi limu' to mehini mpokamoui-ra, pai' ngkai rala limu' toe mpo'epe-ra topololita to mpo'uli': ”Hi'a toi-mi Ana'-ku to kupe'ahi'. Hi'a mpakagoe' nono-ku. Pe'epei-mi lolita-na!”

Lukas 11:28

Na'uli' Yesus: ”Aga to morasi' mpu'u-le, tauna to mpo'epe pai' mpotuku' Lolita Alata'ala.”

Lukas 14:26

”Tauna to doko' mpotuku'-a, aga uma meliu pe'ahi'-na hi Aku' ngkai pe'ahi'-na hi tina-na, tuama-na, tobine-na, ana'-na, ompi'-na, ba paiana woto-na moto-mi, uma-i ma'ala jadi' topetuku'-ku.

Lukas 6:48

Hadua tauna mpowangu tomi, nakae tana' napomonala pai' nahu'a parawatu to moroho. Rata uda bohe pai' ue mowo' mporumpa' tomi toe, aga uma-i molengo apa' moroho parawatu-na.

Lukas 8:13

”Hawua' to monawu' hi watu mpobatuai tauna to mpo'epe Lolita Alata'ala pai' ratarima hante goe' nono-ra. Mepangala' moto-ra, aga pepangala'-ra tetu uma moroho, hewa hinu'a to uma morali'. Toe pai' ane rata-damo pesori, mo'ungkere'-ramo, uma-rapa mepangala'.

Lukas 8:8

Ria wo'o hawua' to monawu' hi tana' to morudu'. Tuwu' hinawu' toe, morudu' lia, wua'-na ha'atu ngkani ngkai hinawu'-na.” Oti lolita rapa'-na toe, na'uli'-mi Yesus: ”Hema-koi to tilingaa, pe'epei lompe'!”

Yohanes 10:27

Bima-ku mpetonoi libu'-ku. Ku'inca moto-ra, pai'-ra mpotuku'-a.

Yohanes 13:17

Ane ni'inca-damo tudui' toi, marasi'-koi ane nituku'.

Yohanes 14:15

”Ane nipoka'ahi'-a, nituku'-mi hawa'-ku.

Yohanes 5:40

Aga nau' wae, uma oa'-koi dota tumai hi Aku', bona mporata katuwua' to lompe' toe.

Yohanes 6:35

Na'uli' Yesus: ”Aku' toi-mi pongkoni' to mpowai' katuwua'. Hema to tumai hi Aku' uma-rapa mo'oro', pai' hema to mepangala' hi Aku' uma-rapa ngkamara, duu' kahae–hae-na.

Yohanes 6:37

Hawe'ea tauna to nawai'-maka Tuama-ku, bate tumai hi Aku'. Pai' hema–hema to tumai hi Aku', bate kutarima-i pai' uma-i kupopalai.

Yohanes 8:52

Ra'uli' to Yahudi: ”Wae lau ki'inca mpu'u-mi kawuli-nu! Bangku' Abraham-hawoe', mate moto-i. Wae wo'o hawe'ea nabi owi, mate moto-ra. Hiaa' nu'uli'-kona, hema to mpotuku' lolita-nu uma-ra mate.

Ibrani 5:9

Pai' ngkai pengkoru-na toe, Yesus jadi' Topetolo' to uma ria kakuraa'-na, pai' pehupaa' katuwua' to lompe' duu' kahae–hae-na hi hawe'ea tauna to mengkoru hi Hi'a.

Yakobus 4:17

Jadi', tauna to mpo'inca mpobabehi to lompe', pai' uma-di nababehi-e, bate napojeko'.

1 Petrus 2:4

Pue' Yesus rarapai'-ki hameha' watu to tuwu'. Watu toe ratadi manusia', apa' ra'uli' uma ria kalaua-na. Tapi' hi poncilo Alata'ala, watu toei masuli' lia oli-na, pai' Alata'ala mpopelihi watu toei jadi' poko parawatu. Pai' koi' wo'o, ompi'–ompi' tumai-mokoi hi Pue',

2 Petrus 1:10

Toe-mi ompi', apa' lawi' napelihi-mokoi Alata'ala pai' nakio'-koi jadi' topetuku'-nae, nihuduwukui mpu'u-e' mpotuku' Alata'ala, bona monoa' ni'inca kanapelihi-ni pai' kanakio'-ni. Apa' ane nidonihii pepangala'-ni hante kehi hewa to ku'uli'-e we'i, bate uma-wakoi mpai' monawu',

1 Yohanes 2:29

Kristus mpotuku' oa' konoa Alata'ala. Ni'inca moto toe ompi'. Jadi', ni'inca wo'o: hawe'ea tauna to mpotuku' konoa Alata'ala, napo'ana' Alata'ala-ramo.

1 Yohanes 3:7

Ana'–ana'-ku, neo' nipelele'-ra ba hema–hema to doko' mpobagiu-koi. Tauna to mpobabehi konoa Alata'ala, tauna to monoa'-ra, hewa kamonoa'-na Yesus.

Pangila 22:14

Marasi' tauna to mpo'uja' pohea-ra duu'-na me'itu', apa' hira'-mi to rapiliu ngkoni' wua' kaju katuwua'. Hira' to rapiliu mesua' hi rala ngata toe ntara hi wobo'-na.