Lukas 6:40 - Buku Tomoroli' Pojanci to Bo'u

⁴⁰ Pai' uma ria ana' sikola to meliu karabila'-na ngkai guru-na. Ane hudu-miki posikola-na, pai' lako' hibalia-idi hante guru-na.

Lukas 6:40 Iomraidhean Croise

Matius 23:15

”Silaka-koi, guru agama pai' to Parisi! Lompe' hi mali-na-wadi-koi! Mako' molaa-koi medipo tahi' modao' hi role-na, bona ngalai' ria nte hadua tauna to jadi' topetuku'-ni. Pai' ane ria-pi topetuku'-ni, nitudui'-ra mpotuku' pebagiu-ni, alaa-na meliu kadada'a gau'-ra ngkai koi', pai' meliu kamasipato'-ra rahuku' hi naraka ngkai koi'.

Lukas 6:41

”Napa pai' mponaa-ta gege' hi mata doo, hiaa' wince' kaju to hi mata-ta moto uma ta'incai karia-na!

Yohanes 13:16

”Makono mpu'u lolita-ku toi: hadua batua uma meliu tuwu'-na ngkai maradika-na. Hadua suro uma meliu tuwu'-na ngkai to mposuro-i.

Yohanes 15:20

Kiwoi napa to ku'uli'-kokoi we'i: Hadua batua uma meliu tuwu'-na ngkai maradika-na. Ane ntoa' Aku' rabalinai', koi' wo'o mpai' rabalinai'. Ane ria to mpotuku' lolita-ku, bate ratuku' wo'o mpai' lolita-ni.