Lukas 6:26 - Buku Tomoroli' Pojanci to Bo'u

²⁶ Silaka-koi ane hawe'ea tauna mpo'une'-koi, apa' wae wo'o ntu'a-ra owi mpo'une' nabi–nabi to boa'.

Lukas 6:26 Iomraidhean Croise

Matius 7:15

”Mo'inga'–inga'-koi, apa' ria tauna to mpo'uli', nabi-ra. Ntaa' boa'-radi. Hiloa-ra hewa tauna to mepangala' hi Alata'ala. Tapi' patuju-ra doko' mpokero pepangala' doo-wadi.

Lukas 6:25

Silaka-koi to bohu tempo toi, apa' mo'oro'-koi mpai'. Silaka-koi to goe' tempo toi, apa' susa' pai' geo'-koi mpai'.

Yohanes 15:19

Ane rapa'-na hampodooa-koi hante tauna to uma mepangala', bate rapoka'ahi'-koi, apa' lawi' doo-rakoi. Tapi' kupelihi-mokoi pai' kupatani'-koi ngkai laintongo'-ra, alaa-na uma-pokoi doo-ra. Toe pai' rapokahuku'-koi.

Yohanes 7:7

apa' uma ria tauna to mpokahuku'-koi. Aku'-e, rapokahuku'-a-kuna tauna to dada'a hi dunia' toi, apa' ntora ku'uli'-raka kadada'a kehi-ra.

Roma 16:18

Apa' tauna to hewa toe ingku-ra, uma-ra mpokamu pobago Kristus Pue'-ta, mpotuku' kahinaa nono-ra moto-ra-wadi. Mpobagiu-ra tauna to ko'ia ngincai napa–napa hante pehinai lolita–lolita to momi'.

Yakobus 4:4

Koi', uma-koi tida mpotuku' Pue'! Ha ni'inca wa ompi', ane tatuku' gau' to dada'a hi dunia' toi, kita' jadi' bali'-na Alata'ala? Hangkani-pi ku'uli': hema to mpokono gau' to dada'a hi dunia' toi, hi'a-mi bali' Alata'ala!