Lukas 6:13 - Buku Tomoroli' Pojanci to Bo'u

¹³ Kabaja-na, nakio'-ramo topetuku'-na pai' napelihi hampulu' rodua ngkai laintongo'-ra. To hampulu' rodua toera, nahanga' suro-na.

Lukas 6:13 Iomraidhean Croise

Matius 10:2

Hanga' suro Pue' Yesus to hampulu' rodua toera, toi-ramo: Lomo'-na Simon, to rahanga' wo'o Petrus; oti toe, Andreas ompi'-na Simon, Yakobus ana' Zebedeus; Yohanes ompi'-na Yakobus; Filipus; Bartolomeus; Tomas; Matius topesingara' paja'; Yakobus ana' Alfeus; Tadeus; Simon to Zelot; pai' Yudas Iskariot (hi'a mpai' to mpobalu' Yesus hi bali'-na).

Matius 19:28

Na'uli' Yesus: ”Mpu'u ku'uli'-kokoi: hi eo mpeno-na nto'u Alata'ala mpobo'ui omea, Aku' Ana' Manusia' mohura hi pohuraa to ncola moparenta. Nto'u toe mpai', koi' to mpotuku'-a toi-e, mohura wo'o-ko-koiwo hi pohuraa to hampulu' romeha', mpoparentai to Israel to hampulu' rontina.

Matius 9:36

Tuna nono-na mpohilo tauna to wori', apa' wori' kasusaa'-ra, pai' uma hema to mpotulungi-ra, hewa bima to uma te'ewu.

Markus 6:30

Suro to nahubui Yesus mpopalele Lolita Alata'ala wengi, nculii'-ramo ngkai pomakoa'-ra, pai' ratutura-miki Yesus hawe'ea to rababehi pai' to ratudui'-raka ntodea.

Markus 6:7

Mpokio'-i ana'guru-na to hampulu' rodua, nasuro-ra rodua–rodua hampo'emaa', pai' nawai'-ra kuasa mpopalai anudaa'.

Lukas 11:49

Aga monoto lia patuju-na Alata'ala, na'uli' hewa toi: ’Kupahawa' mpai' nabi-ku pai' suro-ku hilou hi tauna toera. Hantongo'-ra mpai' rapatehi, hantongo'-ra rasesa'.’

Lukas 22:30

Toe pai' goe' wo'o-ko-koiwo mpai' ngkoni' pai' nginu dohe-ku hi rala Kamagaua'-ku ane jadi' Magau'-apa mpai'. Pai' mohura moto-koi mpai' hi pohuraa to hampulu' romeha', mpoparentai to Israel to hampulu' rontina.”

Lukas 6:14

Hanga'-ra: Simon (Yesus mpohanga'-i Petrus); pai' Andreas ompi'-na Simon; Yakobus; Yohanes; Filipus; Bartolomeus; Matius; Tomas; Yakobus ana' Alfeus; Simon to rahanga' to Zelot; Yudas ana' Yakobus; pai' Yudas Iskariot, to mpobalu' Yesus hi bali'-nae mpai'.

Yohanes 4:33

Momepekune'-ramo ana'guru-na ra'uli': ”Hema-die to mpowai'-i pongkoni'-e?”

Suro 1:13

Karata-ra hi ngata, hilou-ramo hi tomi po'ohaa'-ra ngkahe' hilou hi kamar to hi lolo-na. Hanga' suro Pue' Yesus toera: Petrus, Yohanes, Yakobus pai' Andreas, Filipus pai' Tomas, Bartolomeus pai' Matius, Yakobus ana' Alfeus, Simon to Zelot, pai' Yudas ana' Yakobus.

Efesus 2:20

Kita' to mpangala' Yesus ma'ala rarapai'-ki tomi to nawangu Alata'ala. Suro–suro Pue' Yesus pai' nabi–nabi, hira'-mi pongkoto' watu pai' tuha'-na. Pai' Kristus Yesus, Hi'a-mi parawatu.

Efesus 4:11

Kristus toe-imi to mpobagi rasi' hi topetuku'-na: hantongo'-ra nawai' pakulea' jadi' suro-na, hantongo' nawai' pakulea' jadi' nabi to mpohowa' lolita Alata'ala, hantongo' nawai' pakulea' mpopalele Kareba Lompe' hi tauna to ko'ia mpo'epei, pai' hantongo' wo'o nawai' pakulea' jadi' pangkeni to mpewili' pai' to mpotudui' hawe'ea topetuku'-na.

Ibrani 3:1

Ompi'–ompi' to napobagia Alata'ala pai' to nakio' mesua' hi suruga! Penoto' kahema-nai Suro Alata'ala pai' Imam Bohe to taparasaya, Hi'a-mi Yesus.

2 Petrus 3:2

Patuju-ku bona nikiwoi lolita to raparata nabi–nabi to moroli' owi, pai' bona nikiwoi wo'o hawa' to ngkai Pue', Magau' Tompohore-ta ngkai huku' jeko'-ta. Hawa'-na toe ni'epe ngkai kai' suro-na to mpokarebai-koi.

Pangila 12:1

Ngkai ree, kuhilo-kuwo, ria hi langi' hameha' tanda to uma mowo kamekoncehi-na: hadua tobine to moheai hante eo, pai' to mokore hi lolo wula. Hi woo'-na ria songko to rababehi ngkai hampulu' romeha' betue'.

Pangila 18:20

Goe'-mokoi ihi' suruga, mpokagoe' kamokero-na! Goe'-mokoi topetuku' Alata'ala, suro–suro-na pai' nabi-na! Apa' Alata'ala mpohuku' to Babel, mpehawa-kokoi kehi-ra to dada'a hi koi'.

Pangila 21:14

Bente ngata toe rawangu hi lolo hampulu' romeha' parawatu, pai' hi parawatu toe te'uki' hanga' suro Ana' Bima to hampulu' rodua.