Lukas 5:32 - Buku Tomoroli' Pojanci to Bo'u

³² Uma-a tumai mpokio'-ra to monoa' ingku-ra. Katumai-ku toi-le, mpokio' topojeko'-a bona medea-ra ngkai jeko'-ra.”

Lukas 5:32 Iomraidhean Croise

Matius 18:10

”Jadi', pelompehi mpu'u-koi, neo'-koi uma mposaile' ana'–ana' to kedi' hewa ana' tohe'ii, nau' hadua. Apa' mpu'u–mpu'u ku'uli'-kokoi: mala'eka to mpodoo-ra tida ncuu hi nyanyoa Tuama-ku to hi rala suruga. [

Matius 9:13

Uma-a tumai mpokio' tauna to monoa' ingku-ra. Katumai-ku toi-le, mpokio' topojeko'-a-kuna bona medea-ra ngkai jeko'-ra. Jadi', paresa'-koi ulu napa batua-na Lolita Alata'ala to te'uki' hewa toi: ’Uma kuperapi' porewua to nipopepue' hi Aku'. To kuperapi'-le, bona ma'ahi'-koi hi doo.’ ”

Markus 15:10

Pilatus mpo'uli' hewa toe, apa' na'inca ka'uma-na-hawo masala'-i Yesus; imam pangkeni mpotonu Yesus hi hi'a ngkai kamohingi'-ra-wadi.

Markus 15:7

Hi mpae toe, ria hi rala tarungku' hadua to me'ewa hi topoparenta, to rahanga' Barabas. Barabas pai' doo-na, ria-ramo mpopatehi tauna rala pe'ewa-ra hi topoparenta.

Markus 2:17

Yesus mpo'epe lolita-ra toe, toe pai' napololitai-ra hante lolita rapa' toi, na'uli': ”Tauna to uma peda', uma mingki' rapokulii'. Tauna to peda'-wadi-hawo to paraluu rapokulii'. Uma-a tumai mpokio' tauna to monoa' ingku-ra. Katumai-ku toi-le, mpokio' topojeko'-a-kuna bona medea-ra ngkai jeko'-ra.”

Lukas 15:10

Wae wo'o-ra mala'eka Alata'ala mpokagoe' hadua tauna topojeko' to medea ngkai jeko'-na.”

Lukas 15:7

Wae wo'o, ane hadua topojeko' medea ngkai jeko'-na, meliu kagoe'-ra ihi' suruga mpokagoe'-i ngkai kagoe'-ra mpokagoe' sio mpulu' sio tauna to monoa' po'ingku-ra, to uma-ra-rana mingki' medea.

Lukas 19:10

Apa' toe-mile pai' tumai-ae, Aku' Ana' Manusia'. Tumai-a mpopali' tauna to molaa ngkai Alata'ala, pai' mpohore-ra ngkai huku' jeko'-ra.”

Lukas 24:47

Pai' hi rala hanga'-ku Kareba Lompe' kana rapalele hi hawe'ea tauna, bona medea-ra ngkai jeko'-ra pai' Alata'ala mpo'ampungi-ra. Kareba toe kana rapalele hi humalili' dunia', ntepu'u ngkai Yerusalem.

Lukas 5:31

Na'uli' Yesus mpo'uli'-raka: ”Tauna to uma peda', uma mingki' rapokulii'. Tauna to peda'-wadi-hawo to paraluu rapokulii'.

Lukas 5:33

Nto'u toe, ria to mpo'uli'-ki Yesus: ”Topetuku'-na Yohanes Topeniu', jau-ra-hana mopuasa' pai' mosampaya. Wae wo'o topetuku'-ra to Parisi. Hiaa' topetuku'-nu Iko-kona, ngkoni' pai' nginu oa'-ra-wadi. Napa pai' uma-ra mopuasa'-e?”

Suro 17:30

Owi, ane mepue'-ta hi pue' to uma makono hewa tetu, uma-ta nahuku' Alata'ala. Napiri moto mata-na hi kawojoa-ta tetu. Tapi' hewa toe lau, nahubui hawe'ea manusia' hi humalili' dunia' medea ngkai jeko'-ra.

Suro 2:38

Na'uli' Petrus: ”Medea-mokoi ngkai jeko'-ni, pai'-koi raniu' butu–butu dua-ni jadi' topetuku' Yesus Kristus. Ngkai ree mpai', Alata'ala mpo'ampungi jeko'-ni, pai' nawai'-koi Inoha' Tomoroli'.

Suro 20:21

Kupopo'ingai' oa'-koi omea, lompe' to Yahudi lompe' to bela-koi to Yahudi, bona medea-koi ngkai jeko'-ni pai' mengkoru hi Alata'ala pai' mepangala' hi Pue'-ta Pue' Yesus.

Suro 3:19

Toe-mi ompi'–ompi', medea-mokoi ngkai jeko'-ni, pai'-koi mengkoru hi Pue' Ala, bona na'ampungi jeko'-ni. Ngkai ree mpai', Pue' Ala mporohoi nono-ni, pai' nahubui tumai Yesus hi kita'. Apa' Hi'a-mi to napakatantu ami' Alata'ala jadi' Magau' Topetolo'-ta.

Suro 3:26

Jadi' ompi'–ompi', toe pai' Alata'ala mpotuwu' nculii' Yesus Batua-na, pai' nahubui-i tumai lomo'–lomo'-na hi kita' to Yahudi, bona mpogane'-ta. Pompogane'-na toe, mpomedea-ta ngkai kehi-ta to dada'a.”

Suro 5:31

pai' na'ongko'-imi napopohura hi mali ngka'ana-na, pai' napajadi'-i Pangkeni pai' Magau' Tompohore-ta ngkai huku' jeko'-ta, bona kita' to Israel medea ngkai jeko'-ta pai' mporata ampu.