Lukas 5:24 - Buku Tomoroli' Pojanci to Bo'u

²⁴ Jadi', kupopohiloi-koi karia-na kuasa-ku mpo'ampungi jeko'.” Ngkai ree, kamewili'-na hi topungku toei, na'uli'-ki: ”Ku'uli'-koko, memata-moko, ongko'-mi pokowaa'-nu, pai' nculii'-moko.”

Lukas 5:24 Iomraidhean Croise

Matius 16:13

Hilou-ramo Yesus hante ana'guru-na hi tana' to mohu' hi Kaisarea Filipi. Hi ree mepekune' Yesus hi ana'guru-na: ”Ntuku' ponguli'-ra ntodea, hema-a Aku' Ana' Manusia' toi-e?”

Matius 25:31

”Aku' Ana' Manusia', ane rata nculii'-apa mpai', mehini mpu'u-mi baraka'-ku, pai' radohei-a hawe'ea mala'eka-ku. Mohura-a mpai' moparenta hewa Magau' hi pohuraa to ncola.

Matius 26:64

Na'uli' Yesus: ”Io', hewa to nu'uli' tetu-e. Pai' ku'uli' tena: rata mpai' tempo-na nihilo-a Aku' Ana' Manusia', mohura pai' moparenta hi mali ka'ana Alata'ala to Mobaraka', pai' nihilo wo'o-a mpai' mana'u tumai ngkai suruga hi rala limu'.”

Matius 28:18

Yesus mpomohui'-ra pai' na'uli'-raka: ”Hawe'ea kuasa hi suruga pai' hi dunia' ratonu-maka.

Matius 4:24

Pobago-na Yesus toe tetolele hi hawe'ea ngata hi propinsi Siria, alaa-na wori' tauna tumai doko' mpohirua'-ki. Mpokeni-ra hawe'ea doo-ra to mpotodohaka to wori' nyala haki'-ra pai' kasusaa'-ra, ba to nahawi' seta, ba to limpuangaa ba to pungku. Napaka'uri'-ra omea.

Lukas 5:13

Yesus mpojama-i pai' na'uli'-ki: ”Ma'ala moto. Kupaka'uri'-moko!” Hampinisi mata, mo'uri'-imi.

Lukas 5:18

Nto'u toe, tumai-ra ba hangkuja tauna mpokowa' hadua topungku to turu hi rala pokowaa'. Rapali' ohea-ra mesua' hi tomi doko' mpokeni doo-ra hi Yesus.

Lukas 5:23

Aku' Ana' Manusia', ria mpu'u kuasa-ku hi dunia' mpo'ampungi jeko'. Tapi' ane ku'uli'-ki topungku toei mai: ’Te'ampungi-mi jeko'-nu,’ uma ni'incai ba te'ampungi mpu'u-di jeko'-nae ba uma-di. Aga ane ku'uli': ’Memata pai' mako'-moko,’ nihilo mpai' kadupa'-na ba ka'uma-na.

Lukas 7:14

Hilou-imi mpoganga pokowa', mentoda'-ramo to mokowa'. Na'uli' Yesus: ”Kabilasa! Kuhubui-ko memata!”

Lukas 8:54

Oti toe, Yesus mpokamu pale-na ana' toei pai' na'uli'-ki: ”Memata-moko ana'!”

Yohanes 11:43

Oti toe, napesukui mekio': ”Lazarus! Tumai-moko!”

Yohanes 17:2

Nuwai'-ama kuasa hi hawe'ea manusia', bona tauna to nuwai'-maka, kuwai'-ra katuwua' to lompe' duu' kahae–hae-na.

Yohanes 3:13

Uma ria haduaa tauna hi dunia' to manake' hilou hi suruga. Muntu' Aku'-wadi to mpo'inca napa to jadi' hi suruga, apa' Aku' Ana' Manusia' to mo'oha' hi suruga ngkai owi pai' to mana'u tumai ngkai suruga.

Yohanes 5:27

Nawai' wo'o-a kuasa mpobotuhi kara–kara manusia', apa' Aku' Ana' Manusia'.

Suro 14:10

Toe pai' na'uli' napesukui: ”Mokore monoa'-moko!” Hangkore-idile, pai'-i momako' hilou tumai.

Suro 5:31

pai' na'ongko'-imi napopohura hi mali ngka'ana-na, pai' napajadi'-i Pangkeni pai' Magau' Tompohore-ta ngkai huku' jeko'-ta, bona kita' to Israel medea ngkai jeko'-ta pai' mporata ampu.

Suro 9:34

Na'uli' Petrus mpo'uli'-ki: ”Eneas, Yesus Kristus mpaka'uri'-ko! Mokore-moko, pai' lulu-mi ali'-nu.” Hinto'u toe mpu'u, mokore-imi Eneas.

Suro 9:40

Ngkai ree, Petrus mpohubui-ra omea mpalahii kamar toe, pai' powilingkudu-nami mosampaya. Ka'oti-na mosampaya, pai'-i mponyanyohi tomate, na'uli'-ki: ”Tabita, memata-moko!” Hangaa mobini' mpu'u-mi mata-na mponaa Petrus, pai' kaliliu mohura-imi.

Pangila 1:13

Hi laintongo' witi' lampu toe, kuhilo hadua tauna to molence hewa Ana' Manusia'. Pohea-na baju to moloe rata hi witi'-na pai' tehoo' hi hunamu-na hante koloro bulawa.