Lukas 5:21 - Buku Tomoroli' Pojanci to Bo'u

²¹ Mololita-ramo guru agama pai' to Parisi toera hi rala nono-ra, ra'uli': ”Hema rahi-idi tauna toei mai, pai' daho'-i mpo'uli' hibalia tuwu'-na hante Alata'ala-e? Uma ria haduaa to ma'ala mpo'ampungi jeko', muntu' Alata'ala-wadi.”

Lukas 5:21 Iomraidhean Croise

Matius 26:65

Mpo'epe toe we'i, Imam Bohe mpoheu' baju-na ngkai kamoroe-na, pai' na'uli': ”Tau toii mpopohibalia woto-na hante Alata'ala! Uma-pi mingki' ria sabi'. Ni'epe moto-mi-koiwo lolita-na mpokedi' Alata'ala.

Matius 9:3

Ba hangkuja dua guru agama mpo'epe lolita-na Yesus toe. Mololita bongo-ramo hi rala nono-ra, ra'uli': ”Dada'a lia-i tau toii! Na'uli'-hana hibalia tuwu'-na hante tuwu'-na Alata'ala!”

Lukas 3:8

Ane bongko medea-mokoi ngkai jeko'-ni, babehi-mokoi gau' to lompe'. Pai' neo' nipoperaha kamuli-na Abraham-koi! Bona ni'inca: muli Abraham bisa napajadi' Alata'ala ngkai watu–watu toe lau.

Lukas 5:17

Rala-na ha'eo nto'u Yesus metudui', ria ba hangkuja dua to Parisi pai' guru agama mohura hi ree. Ria-ra ngkai ngata–ngata hi tana' Galilea, Yudea, pai' ngkai ngata Yerusalem wo'o. Baraka' ngkai Pue' Ala ria hi Yesus bona mepaka'uri'.

Lukas 5:22

Na'inca moto Yesus napa to hi rala nono-ra. Toe pai' na'uli'-raka: ”Napa pai' nipekiri hewa tetu-e?

Lukas 7:49

Mpo'epe toe, momepololitai-ramo tauna to mpohimpongkoni'-raka, ra'uli': ”Hema-idie tau tetui-e, pai' daho'-i mpo'ampungi jeko'-e?”

Yohanes 10:33

Ra'uli' to Yahudi: ”Bela ngkai pobago-nu to lompe', pai' doko' kipatehi-ko. Pai' doko' kipatehi-kole apa' mpokedi' Alata'ala-ko-kona! Api' manusia' biasa-wadi-ko, nu'uli'-kona Alata'ala-ko!”

Roma 8:33

Hema to daho' mpakilu-ta, to mpolia' napelihi-mi Alata'ala! Apa' Alata'ala moto-mi mpo'uli' uma-pi ria sala'-ta.