Lukas 4:6 - Buku Tomoroli' Pojanci to Bo'u

⁶ pai' na'uli'-ki: ”Kuasa mpoparentai hawe'ea kamagaua' toera lau pai' hawe'ea ka'uaa'-na, kuwai'-koko Iko omea-mi mpai', apa' aku' omea pue'-na, pai' ma'ala kupewai' hi hema konoa-ku.

Lukas 4:6 Iomraidhean Croise

Lukas 4:7

Jadi', ane mepue'-ko hi aku', kuwai'-koko Iko omea-mi toe lau.”

Yohanes 12:31

Rata-mi tempo-na Alata'ala kana mpohurai hawe'ea kasalaa' manusia' hi dunia'. Pai' rata wo'o tempo-na Magau' Anudaa' to mpokuasai dunia' toi kana rapopalai.

Yohanes 14:30

”Uma-pi wori' loga-ku mpololitai-koi, apa' neo' rata-mi Magau' Anudaa'. Hi'a-mi to mpokuasai dunia' tohe'i, aga uma ria kuasa-na hi Aku'.

Yohanes 8:44

Magau' Anudaa'-hanale tuama-nie! Pai' doko' oa'-koi mpotuku' konoa tuama-ni tetu. Ngkai lomo'-na, topepatehi ami'-imi. Uma-i ria mpo'uli' napa to makono, apa' uma ria napa–napa to makono hi hi'a. Ane moboa'-i, gati-nami-hana, apa' topoboa' ami'-i, pai' hawe'ea tauna to moboa' mpo'uhi kehi-na.

2 Korintus 11:14

Aga uma wo'o takehelei kehi-ra toe, apa' Magau' Anudaa' wo'o-hawo mengkatibali' hewa mala'eka to ngkeni kabajaa.

Efesus 2:2

Nto'u toe, po'ingku-ni eo–eo-na mpotuku' kabiasaa tauna to dada'a hi dunia' toi, koi' mpotuku' konoa Magau' Anudaa'. Magau' Anudaa' toei, tadulako to mpokuasai anudaa' to hi lolo raoa. Duu' hewa toe lau, mobago oa'-i hi rala nono tauna to uma mengkoru hi Alata'ala.

1 Petrus 1:24

Hewa to te'uki' hi rala Buku Tomoroli' owi: ”Katuwu' manusia'-le, hewa kowo', hawe'ea kancolaa-ra hewa sehe kowo'. Kowo' molaju, sehe-na roda',

1 Yohanes 5:19

To ta'inca-na: kita' toi napo'ana' Alata'ala-tamo, pai' humalili' dunia' toi nakuasai Magau' Anudaa'.

Pangila 12:9

Jadi', ule naga to bohe toei, ratadi-imi ngkai suruga. Hanga'-na, Ule Ncae, to rahanga' wo'o Magau' Anudaa' pai' Seta, to mpobagiu tauna to mo'oha' hi humalili' dunia'. Rapetadi-imi ngkai suruga hilou hi dunia' hante mala'eka–mala'eka doo-na.

Pangila 13:2

Binata to kuhilo toei, lence-na hewa lence binata to rahanga' macan tutul, aga witi'-na hewa witi' beruang pai' nguju-na hewa nguju singa. Ule naga mpowai' binata to dada'a toei karohoa-na moto, hante poparenta-na, pai' kuasa-na to bohe lia.

Pangila 13:7

Rapiliu wo'o-i mpopanga'ei topetuku' Alata'ala pai' mpodagi-ra. Pai' rapiliu-i mpokuasai tauna hi humalili' dunia', ngkai butu negara, butu pomuli pai' butu nyala basa.