Lukas 4:5 - Buku Tomoroli' Pojanci to Bo'u

⁵ Oti toe, Magau' Anudaa' mpokeni-i hilou hi kalangkoa-na. Hampinisi mata-wadi napopohiloi-i hawe'ea kamagaua' hi dunia',

Lukas 4:5 Iomraidhean Croise

Matius 24:14

Pai' Kareba Lompe' to mpo'uli' beiwa Alata'ala jadi' Magau', bate rapalele hi humalili' dunia', bona hawe'ea manusia' ma'ala mpo'epe. Oti toe-di pai' lako' rata kahudua dunia'.

Matius 4:8

Oti toe Magau' Anudaa' mpakeni tena Yesus lou hi lolo bulu' to molangko lia, pai' napopohiloi-i hawe'ea kamagaua' hi dunia' hante ka'uaa'-na.

1 Korintus 15:52

Tohe'e mpai' jadi' ncorobaa, rala-na hampinisi mata, nto'u karatuwui'-na sangkakala to ka'omea-na. Apa' nto'u sangkakala toe ratuwui', tomate rapotuwu' nculii' hante katuwua' to uma ria kahudua-na, pai' kita' to tuwu'-pidi rabalii' wo'o-tamo-tawo.

1 Korintus 7:31

Tauna to sese' mpali' katuwua'-ra hi rala dunia', neo' ntora mpenonoi katuwu'-ra hi dunia' toi-wadi. Apa' dunia' to tapo'ohai' toi neo' kahudua-nami.

2 Korintus 4:17

Kasusaa' to tarata tempo toi, monangko' pai' hampai'-wadi. Pai' ngkai katida-ta hi rala kasusaa' toi, mporata-ta mpai' kabohe tuwu' to tida duu' kahae–hae-na. Kasusaa' to tarata tempo toi, hangkedi' siu'-wadi ane tapopohibalia hante kabohe tuwu' to tarata hi eo mpeno.

Efesus 2:2

Nto'u toe, po'ingku-ni eo–eo-na mpotuku' kabiasaa tauna to dada'a hi dunia' toi, koi' mpotuku' konoa Magau' Anudaa'. Magau' Anudaa' toei, tadulako to mpokuasai anudaa' to hi lolo raoa. Duu' hewa toe lau, mobago oa'-i hi rala nono tauna to uma mengkoru hi Alata'ala.

Efesus 6:12

Apa' hi panga'e-ta toi-e, uma-ta mpo'ewa manusia'. Mpo'ewa-ta to mokuasa pai' anu mobaraka' to uma kahiloa. Mpo'ewa-ta tadulako–tadulako kabengia to mokuasa hi wongko dunia'. Mpo'ewa-ta wori' nyala seta pai' anudaa' to mpokuasai raoa.