Lukas 4:34 - Buku Tomoroli' Pojanci to Bo'u

³⁴ ”Ee Yesus to Nazaret!! Doko' nupopai-dakaie? Ba doko' nuropuhi-dakaie? Ku'inca moto-kole, ka'Iko-na Suro to moroli' ngkai Alata'ala-e.”

Lukas 4:34 Iomraidhean Croise

Matius 8:29

Mekio'-ra, ra'uli': ”Ee Ana' Alata'ala! Napa-di-kona pai' tumai-koe? Neo'-kai nusesa'-e'! Ko'ia rata tempo-na.”

Markus 1:24

”Ee Yesus to Nazaret! Doko' nupopai-dakaie? Ba doko' nuropuhi-dakaie? Ku'inca moto-kole, ka'Iko-na Suro to moroli' ngkai Alata'ala-e.”

Markus 1:34

Wori' tauna to napaka'uri' ngkai haki'-ra to wori' nyala. Wori' wo'o seta to mpesuai' tauna napopalai. Aga seta toera, uma-ra napiliu mololita, apa' ra'inca moto kaHi'a-na Ana' Alata'ala.

Markus 5:7

Yesus mpohubui anudaa' malai, na'uli': ”Malai-moko ngkai tauna tetui!” Mejeu' tau toei na'uli': ”Ee Yesus Ana' Alata'ala to hi suruga! Napa-di-kona pai' tumai-koe? Hante hanga' Alata'ala merapi'-a bona neo'-a-kuwo nusesa'.”

Lukas 1:35

Na'uli' mala'eka: ”Inoha' Tomoroli' mpai' mana'u hi iko, pai' kabaraka' Alata'ala to hi suruga ngkamoui-ko. Toe pai' ana' to putu toe mpai' rahanga' moroli', Ana' Alata'ala.

Lukas 4:33

Ria wo'o hi ree hadua tauna to napesuai' seta to dada'a lia. Mejeu'-imi na'uli':

Lukas 4:41

Pai' wori' wo'o seta napopalai ngkai tauna to rapesuai'. Seta to napopalai toera, kaka'au–au-ra, ra'uli': ”Iko-mi Ana' Alata'ala!” Aga natagi mpu'u-ra bona neo'-ra mololita, apa' ra'inca kaHi'a-na Magau' Topetolo'.

Lukas 8:37

Ngkai ree, hawe'ea tauna hi tana' Gerasa toe merapi' hi Yesus bona malai-imi ngkai ngata-ra, apa' me'eka' lia-ra. Jadi' mohawi' sakaya-imi nculii' hilou hi dipo-na.

Suro 16:39

Hilou-ramo merapi' ampu hi Paulus pai' Silas, pai' rabawa-ra hilou hi mali-na, pai' ra'uli'-raka: ”Agina malai-mokoi ngkai ngata-kai.”

Suro 2:27

Apa' uma nupelele' kao'-ku tida hi po'ohaa' tomate, woto-ku uma nupelele' hi rala daeo' duu'-na pope, apa' Aku' batua-nu to nupelihi.

Suro 3:14

Moroli' pai' monoa'-i-hana, hiaa' nisapuaka-i, pai' niperapi' hi Pilatus bona nabahaka-kokoi hadua topepatehi.

Suro 4:27

O Pue', lolita Daud tohe'e madupa' mpu'u-mi. Apa' hi rala ngata toi wengi, hintuwu' mpu'u-ramo Magau' Herodes Antipas pai' Pontius Pilatus, hante ntodea to Yahudi pai' tauna to bela-ra to Yahudi wo'o. Kahintuwua'-ra toe, doko' mpo'ewa Yesus, Batua-nu to Moroli' to nupelihi jadi' Magau' Topetolo'.

Ibrani 2:14

Tauna to nahanga' ana' toera, manusia' hante wotoloka' to kana mate. Jadi', toe-mi pai' Yesus wo'o mewali manusia' pai' tuwu' hibalia hante manusia', bona ngkai kamate-na nagero kuasa Magau' Anudaa', to mpokeni kamatea hi manusia'.

Yakobus 2:19

Ha tapangala' kahadudua-na-wadi Alata'ala-e? Makono moto tetu. Aga ane tetu-wadi, uma hono'! Bangku' seta-hawoe', rapangala' wo'o-rawo kahadudua-na-wadi Alata'ala. Toe pai' moridi'-ra nakeni eka'-ra.

1 Yohanes 3:8

Tauna to mpobabehi jeko' oa', napo'ana' Magau' Anudaa'-ra. Apa' Magau' Anudaa', topojeko' ngkai lomo'-na ami'-imi-hana. Toi-mi patuju-na Ana' Alata'ala mehupa' hi dunia', bona mpogero bago-na Magau' Anudaa'.

Pangila 20:2

Kanahoko'-nami ule naga toei–to rahanga' Ule Ncae, Magau' Anudaa' pai' Seta–nahoo' hante rante pai' napetadi hi rala wulou'laa to uma tepetudu kanala-na toe, nahohoki wobo'-na pai' nasaa' bona neo'-pi rabea rala-na hancobu mpae kahae-na. Jadi' Magau' Anudaa' toei, uma-i ma'ala mpobagiu manusia' rala-na hancobu mpae toe. Hudu toe-di, kana rabahaka wo'o-i-pidi hampai'.

Pangila 3:7

Na'uli' wo'o-mi Pue' Yesus mpo'uli'-ka: ”Uki' hewa tohe'i hi mala'eka to mpewili' topetuku'-ku hi ngata Filadelfia: ”Ohe'i lolita-na Pue' Yesus, Hi'a to moroli' pai' to makono. Hi'a-mi to mokuasa hi kamagaua' Daud. Ane Hi'a mpobea wobo', uma hema to ma'ala mpo'unca. Ane Hi'a mpo'unca, uma hema to ma'ala mpobea.