Lukas 4:25 - Buku Tomoroli' Pojanci to Bo'u

²⁵ Makono mpu'u lolita-ku toi: napa to jadi' tempo toi, bate hewa to jadi' hi tempo-na nabi Elia owi. Nto'u toe, tolu mpae ono mula hangaa mara eo, alaa-na rata oro' bohe hi hawe'ea ngata. Wori' moto tobine tobalu hi tana' Israel to mpe'ahii' tuwu'-ra nto'u toe.

Lukas 4:25 Iomraidhean Croise

Matius 20:15

Ha uma ma'ala kubabehi ntuku' konoa-ku hante doi-ku? Napa pai' mohingi'-koi hi doo ane lompe' nono-ku hi hira'?’ ”

Lukas 10:21

Nto'u toe Yesus nakuasai Inoha' Tomoroli', pai'-i mololita ngkai kagoe' nono-na, na'uli': ”O Mama, Pue' langi' pai' dunia'! Mpo'uli'-a tarima kasi, apa' hawe'ea toe lau nupopohiloi-raka tauna to uma pe'incai, tapi' nuwunii'-raka tauna to nginca pai' tauna to pante. Apa' wae-mi konoa-nu Mama.

Roma 9:15

Kiwoi-dile lolita Alata'ala hi nabi Musa owi to mpo'uli': ”Aku' moto-kuwo to mpobotuhi hema to kupopohiloi ahi'-ku pai' hema to kupe'ahi'.”

Roma 9:20

Neo' ta'uli' hewa toe, ompi'! Uma-hawo bela ohea-na ane kita' manusia' mehono' hewa toe hi Alata'ala. Ha natao hameha' kura mpo'uli'-ki tauna to mpobabehi-i hewa toi: ”Napa-di-kona pai' nubabehi hewa toi-ae?”

Efesus 1:11

Alata'ala mpobabehi butu nyala-na ntuku' konoa-na pai' kabotu'-na moto. Ngkai lomo' kajadi' dunia' napelihi-tamo pai' napakatantu ami'-mi kakita'-na to jadi' bagia-na ngkai posidaia'-ta hante Kristus.

Efesus 1:9

Ntuku' konoa-na moto, napopo'incai-ta patuju-na to uma ra'incai manusia' ngkai owi. Patuju-na toe: bona butu nyala-na, lompe' to hi suruga ba to hi dunia', napopohintuwu' hi posidai'-ra hante Kristus, pai' Kristus-mi to jadi' hewa Woo' ngkai butu nyala-na. Ngkai owi Alata'ala mpakatantu ami'-mi patuju-na to nababehi hante Kristus toe, pai' patuju-na toe bate napadupa' ane rata-pi tempo-na.

Yakobus 5:17

Kiwoi tutura-na nabi Elia owi. Nabi Elia toei, manusia' hewa kita' wo'o-i-wadi-hawo. Mosampaya-i hante nono-na mpu'u bona neo' udaa. Uma mpu'u-pi dungku uda rala-na tolu mpae ono mula.

Pangila 11:6

Ria kuasa-ra mpo'ompo langi' bona neo' dungku uda bula-ra mpokeni Lolita Pue'. Mokuasa wo'o-ra hi butu halu' bona ue mobali' jadi' raa'. Ria tena kuasa-ra mposerohi dunia' hante wori' nyala pesesa', nto'uma konoa-ra mpobabehi.