Lukas 4:18 - Buku Tomoroli' Pojanci to Bo'u

¹⁸ ”Inoha' Pue' Ala hompo hi Aku', apa' nawati'-ama mpokeni Kareba Lompe' hi tauna to mpe'ahii' tuwu'-ra. Nasuro-a mpo'uli'-raka to ratawani: ’Tebahaka-mokoi!’ Nasuro-a mpo'uli'-raka towero: ’Pehilo-mokoi!’ Nahubui-a mpobahaka-ra to rapobatua.

Lukas 4:18 Iomraidhean Croise

Matius 11:5

To wero pehilo-mi, to kejo momako' monoa'-mi, topohaki' poko' mo'uri', to wongo pe'epe, tomate kupotuwu' nculii', pai' Kareba Lompe' kuparata-mi hi tauna to mpe'ahii' tuwu'-ra.

Matius 12:18

”Hi'a toi-mi Batua-ku to kupelihi, kupe'ahi'-i, pai' napakagoe' nono-ku. Inoha'-ku kuwai'-ki. Kamonoa' poparenta-ku naparata hi hawe'ea tauna.

Matius 12:20

Tauna to lente pepangala'-ra, uma-ra na'oho'. Natulungi-ra to ncaruku' mepangala'. Mobago ncuu-i duu'-na poparenta-na Alata'ala to monoa' rata hi dunia'.

Matius 4:16

Ri'ulu, tauna toera hi rala kabengia-na, pai' me'eka'-ra mpoka'eka' kamatea. Aga wae lau, mpohilo-ramo-rawo baja to bohe, apa' mehupa'-mi eo to mehini mpohinii-ra.”

Matius 5:3

”Marasi' tauna to mpo'inca kampe'ahii' tuwu'-ra hi poncilo Alata'ala, apa' hira' toe-mi mpai' to jadi' ntodea Alata'ala, pai' Alata'ala jadi' Magau'-ra.

Lukas 4:17

Ratonu-ki sura nabi Yesaya. Napali' duu'-na mporua' lolita tohe'i:

Lukas 6:20

Yesus mponaa topetuku'-na pai' na'uli'-raka: ”Morasi'-koi tokabu, apa' koi' to jadi' ntodea Alata'ala, pai' Hi'a jadi' Magau'-ni.

Lukas 7:22

Na'uli'-mi Yesus mpo'uli'-raka suro Yohanes toera hewa toi: ”Nculii'-mokoi, uli'-ki Yohanes hi retu napa to nihilo pai' to ni'epe: towero pehilo-mi, tokejo momako' monoa'-mi, topohaki' poko' mo'uri', towongo pe'epe, tomate kupotuwu' nculii', pai' Kareba Lompe' kuparata-raka to mpe'ahii' tuwu'-ra.

Yohanes 1:41

Kaliliu hilou-imi Andreas mpopali' Simon, na'uli'-ki: ”Kirua'-imi-kaina Mesias!” (batua-na: Magau' Topetolo').

Yohanes 12:46

Tumai-a hi dunia' toi jadi' baja, bona hawe'ea tauna to mepangala' hi Aku' uma-pi mo'oha' hi rala kabengia-na.

Yohanes 3:34

Apa' Hi'a-mi to nasuro Alata'ala mpohowa' lolita-na, pai' Alata'ala mpowai'-i Inoha' Tomoroli' hante uma ria huka'-na.

Suro 10:38

Ni'inca wo'o tutura Yesus to Nazaret. Alata'ala mpopelihi-i pai' mpowai'-i Inoha' Tomoroli' pai' baraka'. Hiapa pomakoa'-na hi tana' to Yahudi, nababehi to lompe', pai' napaka'uri' hawe'ea tauna to nakuasai Magau' Anudaa', apa' Alata'ala mpodohei-i.

Suro 26:18

Kusuro-ko hilou mpobini' mata-ra, pai' mpotete'-ra ngkai kabengia-na tumai hi kabajaa-ku; bona tebahaka-ra ngkai kuasa Magau' Anudaa' pai' nakuasai-ramo Alata'ala; bona te'ampugi jeko'-ra pai' jadi'-ramo bagia Alata'ala sabana pepangala'-ra hi Aku'.’

Suro 4:26

Magau'–magau' hi dunia', ngasa'-ramo. Pai' hawe'ea topohawa', hintuwu'-ra doko' mpo'ewa Pue' Ala pai' Magau' Topetolo' to napelihi-mi.’

Suro 4:27

O Pue', lolita Daud tohe'e madupa' mpu'u-mi. Apa' hi rala ngata toi wengi, hintuwu' mpu'u-ramo Magau' Herodes Antipas pai' Pontius Pilatus, hante ntodea to Yahudi pai' tauna to bela-ra to Yahudi wo'o. Kahintuwua'-ra toe, doko' mpo'ewa Yesus, Batua-nu to Moroli' to nupelihi jadi' Magau' Topetolo'.

Kolose 1:13

Nabahaka-tamo ngkai kuasa kabengia-na, pai'-ta napajadi' ntodea-na hi rala Kamagaua' Ana'-na to nape'ahi'.

Yakobus 2:5

Ompi'-ku to kupe'ahi'! Pe'epei lompe'-dile: tauna to mpe'ahii' katuwu'-ra, nau' uma-ra mo'ua' hi dunia' toi, Alata'ala mpelihi-ra bona jadi' mo'ua' hi pepangala'-ra. Hira' toe-mi mpai' to mporata rasi' hi rala Kamagaua'-na, hewa to najanci-raka tauna to mpoka'ahi'-i.

1 Petrus 2:9

Aga koi' ompi'–ompi', napelihi-moko-koina Alata'ala, napajadi'-koi imam–imam to mpokamu bago mpepue' hi Magau'-ta. Napatani'-koi jadi' bagia-na pai' ntodea-na to moroli'. Nababehi toe bona koi' mpopalele hi hawe'ea tauna babehia-na to mobaraka', nitutura-raka kanakio'-ni malai ngkai kabengia-na mesua' hi rala kabajaa-na to uma mowo kalompe'-na.