Lukas 4:14 - Buku Tomoroli' Pojanci to Bo'u

¹⁴ Oti toe, Yesus nakuasai Inoha' Tomoroli', pai'-i nculii' hilou hi tana' Galilea. Hi humalili' Galilea, molele-mi kareba to mpo'uli' napa to nababehi.

Lukas 4:14 Iomraidhean Croise

Matius 4:12

Ko'ia mahae ngkai ree, Yohanes Topeniu' rahoko' pai' ratarungku'. Kana'epe-na Yesus kareba toe, hilou nculii'-imi hi ngata Nazaret hi tana' Galilea.

Matius 9:26

Kareba toe molele-mi hobo' hi ngata toe pai' hi hawe'ea ngata to mohu'.

Matius 9:31

Ntaa' we'i, hilou lau-ramo mpopalele kareba toe hi hawe'ea ngata to mohu'.

Markus 1:14

Ko'ia mahae ngkai ree, Yohanes Topeniu' rahoko' pai'-i ratarungku'. Nto'u toe, hilou-imi Yesus hi tana' Galilea, pai'-i mpopalele Kareba Lompe' to ngkai Alata'ala,

Markus 1:28

Ngkai ree, kamolele-nami kareba to mpotompo'wiwi Yesus hobo' hi tana' Galilea.

Lukas 4:13

Ka'oti-na Magau' Anudaa' mposori Yesus hante hawe'ea pesori toe, malai-imi mpopea loga to lompe'.

Lukas 4:37

Ngkai ree, molele-mi kareba hiapa–apa hi tana' Galilea, to mpo'uli' napa to nababehi Yesus.

Yohanes 4:43

Timpaliu romengia hi Samaria, Yesus mpokaliliu pomako'-na hilou hi tana' Galilea.

Suro 10:37

Tantu ni'inca moto-mi kajadia' to jadi' hobo' hi tana' to Yahudi. Pontepu'ua-na hi Galilea ka'oti-na Yohanes mponiu' tauna to medea ngkai jeko'-ra.