Lukas 4:1 - Buku Tomoroli' Pojanci to Bo'u

¹ Pe'ongko'-na Yesus ngkai ue Yordan, Inoha' Tomoroli' mpokuasai-i pai' mpakeni-i hilou hi papada to wao'.

Lukas 4:1 Iomraidhean Croise

Matius 3:16

Ka'oti-na Yesus raniu', mencore-imi ngkai rala ue. Tebea ncorobaa-mi langi', pai' nahilo-hawo, Inoha' Alata'ala mana'u tumai hewa danci mangkebodo, hompo hi Hi'a.

Lukas 2:27

Jadi', nto'u-na Yusuf pai' Maria mpokeni Yesus ana'lei-ra hi Tomi Alata'ala bona ratonu hi Alata'ala ntuku' Atura Musa, Inoha' Tomoroli' mpopakeni Simeon mesua' hi Tomi Alata'ala.

Lukas 3:3

Jadi', momako'-imi Yohanes mure'–nca'u ue Yordan mpoparata Lolita Alata'ala hi ntodea, na'uli': ”Medea-mokoi ngkai jeko'-ni, pai' kana tumai-koi kuniu', bona Alata'ala mpo'ampungi jeko'-ni.”

Lukas 3:38

Kenan ana' Enos, Enos ana' Set, Set ana' Adam, Adam ana' Alata'ala.

Lukas 4:14

Oti toe, Yesus nakuasai Inoha' Tomoroli', pai'-i nculii' hilou hi tana' Galilea. Hi humalili' Galilea, molele-mi kareba to mpo'uli' napa to nababehi.

Lukas 4:18

”Inoha' Pue' Ala hompo hi Aku', apa' nawati'-ama mpokeni Kareba Lompe' hi tauna to mpe'ahii' tuwu'-ra. Nasuro-a mpo'uli'-raka to ratawani: ’Tebahaka-mokoi!’ Nasuro-a mpo'uli'-raka towero: ’Pehilo-mokoi!’ Nahubui-a mpobahaka-ra to rapobatua.

Yohanes 1:32

Ria wo'o-mi posabi'-na Yohanes toi. Na'uli': ”Lomo'-na uma ku'incai kaYesus-na Magau' Topetolo'. Tapi' Alata'ala mpohubui-a mponiu' tauna hante ue, pai' na'uli'-ka hewa toi: ’Ane nampa' nuhilo mpai' Inoha' Tomoroli' mana'u pai' rodo hi hadua tauna, Hi'a-mi mpai' to mponiu' tauna hante Inoha' Tomoroli'.’ Jadi', kuhilo mpu'u-mi Inoha' Tomoroli' mana'u ngkai suruga molence danci mangkebodo, mehompo pai' mengkarodo hi Yesus. Toe pai' toi-ka lolita-ku: Yesus, Hi'a-mi Ana' Alata'ala.”

Yohanes 3:34

Apa' Hi'a-mi to nasuro Alata'ala mpohowa' lolita-na, pai' Alata'ala mpowai'-i Inoha' Tomoroli' hante uma ria huka'-na.

Suro 1:2

duu' rata hi eo kara'ongkoa'-na hilou hi suruga. Ka'oti-na rapatehi pai' rapotuwu' nculii', wori' ngkani-i mpopehuwu woto-na hi suro-na, bona monoa'-mi ra'inca katuwu'-na nculii'. Rala-na opo' mpulu' eo, rahilo moto-i, pai'-i mpotudui'-ra beiwa patuju-na Alata'ala mpohore manusia' ngkai huku' jeko'-ra pai' mpopajadi'-ra ntodea-na hi rala Kamagaua'-na. Kako'ia-na me'ongko' hilou hi suruga, hante kuasa Inoha' Tomoroli' natu'u hawa'-na hi suro-na to napelihi-ramo toe.

Suro 10:38

Ni'inca wo'o tutura Yesus to Nazaret. Alata'ala mpopelihi-i pai' mpowai'-i Inoha' Tomoroli' pai' baraka'. Hiapa pomakoa'-na hi tana' to Yahudi, nababehi to lompe', pai' napaka'uri' hawe'ea tauna to nakuasai Magau' Anudaa', apa' Alata'ala mpodohei-i.

Suro 8:39

Pencore-ra ngkai rala ue, muu–mule' Inoha' Pue' Ala mpo'ala' Filipus ngkai ree, alaa-na to Etiopia toei uma-pi mpohiloi-i ba hiapa-imi. Napokaliliu pomako'-na hante nono to goe'.