Lukas 3:8 - Buku Tomoroli' Pojanci to Bo'u

⁸ Ane bongko medea-mokoi ngkai jeko'-ni, babehi-mokoi gau' to lompe'. Pai' neo' nipoperaha kamuli-na Abraham-koi! Bona ni'inca: muli Abraham bisa napajadi' Alata'ala ngkai watu–watu toe lau.

Lukas 3:8 Iomraidhean Croise

Matius 21:43

Na'uli' wo'o-mi Yesus: ”Jadi', apa' oja'-koi mpotarima-a jadi' Magau'-ni, wae-pi, bagia-ni hi rala Kamagaua'-na Alata'ala, ra'ala' ngkai koi' pai' rawai'-raka tauna to mpobabehi po'ingku to natao hi ntodea Alata'ala. [

Matius 3:8

Ane bongko medea-mokoi ngkai jeko'-ni, babehi-mokoi gau' to lompe'.

Matius 3:9

Pai' neo' nipoperaha kamuli-na Abraham-koi, neo' ni'uli' hi rala nono-ni: ’Uma-hawo mpai' nahuku'-kai Alata'ala.’ Tetu-e uma makono! Bona ni'inca: muli Abraham bisa napajadi' Alata'ala ngkai watu–watu toe lau.

Lukas 13:25

Apa' rata mpai' tempo-na, mokore-imi pue' tomi toe hilou mpo'unca wobo'. Ane rapa'-na mokore hi mali-na-pidi-koi nto'u toe, mpopebea wobo'-koi, ni'uli': ’Pue', bea-kaka-kaiwo!’ ”Natompoi'-koi mpai': ’Uma-koi ku'incai, ba to ngkaiapa-koi.’

Lukas 13:26

”Ni'uli'-ki: ’Ei'! Ngkoni' pai' nginu-madakaie dohe-nue Pue'! Ria-moko metudui' hi rala ngata-kai!’

Lukas 14:9

Tumai mpai' pue' tomi mpo'uli'-koko hewa toi: ’Wai'-ki hi'a-hana pohuraa tetu!’ Me'ea'-ko mpai' hilou mohura hi kadingkia'-na.

Lukas 19:40

Na'uli' Yesus: ”Uma-e'! Apa' ane mengkalino-ra ana'guru-ku, watu toe lau-ramo mpai' to mogora mpo'une'-a.”

Lukas 19:9

Na'uli' Yesus: ”Hi eo toe lau, tauna hi tomi toi tebahaka ngkai huku' jeko'-ra, apa' Zakheus toii, muli Abraham wo'o-i-hawo.

Lukas 5:21

Mololita-ramo guru agama pai' to Parisi toera hi rala nono-ra, ra'uli': ”Hema rahi-idi tauna toei mai, pai' daho'-i mpo'uli' hibalia tuwu'-na hante Alata'ala-e? Uma ria haduaa to ma'ala mpo'ampungi jeko', muntu' Alata'ala-wadi.”

Yohanes 8:33

Hampetompoi'-ra: ”Kai' toi-le, muli Abraham! Uma-ka-kaina ria rapobatua. Napa-di pai' nu'uli' tebahaka-kai mpai'?”

Yohanes 8:39

Ra'uli' to Yahudi: ”Tuama-kaile, Abraham!” Na'uli' Yesus: ”Ane muli Abraham mpu'u-koi, tantu nituku' po'ingku-na.

Suro 26:20

Kuparata hi hawe'ea tauna kareba to mpo'uli': kana medea-ta ngkai jeko'-ta pai' mpotonu katuwu'-ta hi Alata'ala, pai' kana tapopohiloi hante gau'-ta kamedea-ta mpu'u-mi ngkai jeko'-ta. Lomo'-na kareba toe kuparata hi ngata Damsyik, oti toe hi Yerusalem pai' hobo' hi tana' Yudea. Pai' hilou wo'o-a hi tauna to bela-ra to Yahudi mpokeni kareba toe.

Roma 4:16

Jadi', Alata'ala mpo'uli' kamonoa'-ta hi poncilo-na muntu' ngkai pepangala'-ta, bona napa to najanci Alata'ala toe tatarima hewa pewai' mara, bona hawe'ea muli Abraham bate mporata napa to najanci Alata'ala. Janci Alata'ala toe, uma muntu' bagia to Yahudi to mpo'inca Atura Pue'. Janci Alata'ala toe, bate bagia hema–hema to mepangala' hi Alata'ala hewa Abraham. Apa' Abraham jadi' tuama-ta omea.

Roma 9:7

Uma hawe'ea muli Abraham to jadi' ana' Abraham mpu'u. Apa' hewa toi lolita Alata'ala hi Abraham: ”Muntu' muli Ishak-wadi to jadi' muli-nu ntuku' janci-ku, bela muli-nu to ntani'-na.”

Filipi 1:11

Mosampaya-a bona monoa' oa' po'ingku-ni sabana pobago Yesus Kristus hi rala tuwu'-ni, alaa-na wori' tauna mpo'une' pai' mpomobohe Alata'ala.