Lukas 3:7 - Buku Tomoroli' Pojanci to Bo'u

⁷ Wori' tauna tumai mpopeniu' hi Yohanes. Na'uli' Yohanes mpo'uli'-raka: ”He koi' to bengku' gau'-ni! Napa pai' tumai-koie? Ba ni'uli'-koina, ma'ala mpai' nipasalewa roe Pue' Ala to neo' mporumpa'-koi?

Lukas 3:7 Iomraidhean Croise

Matius 12:34

Dada'a lia-koi! Uma ami'-koi ma'ala mpohowa' lolita to lompe'-e, bo dada'a-dakoie. Apa' napa ihi' nono-ta, toe wo'o to howa' hi wiwi-ta.

Matius 23:33

”He topebagiu, he koi' to bengku' gau'-ni! Ha ni'uli'-koina tewi'iha-koi mpai' ngkai huku'-ni hi rala naraka-e?

Matius 3:6

Hilou-ra mpangaku' jeko'-ra, pai' naniu'-ra hi ue Yordan tanda kamedea-ra ngkai jeko'-ra.

Yohanes 8:44

Magau' Anudaa'-hanale tuama-nie! Pai' doko' oa'-koi mpotuku' konoa tuama-ni tetu. Ngkai lomo'-na, topepatehi ami'-imi. Uma-i ria mpo'uli' napa to makono, apa' uma ria napa–napa to makono hi hi'a. Ane moboa'-i, gati-nami-hana, apa' topoboa' ami'-i, pai' hawe'ea tauna to moboa' mpo'uhi kehi-na.

Suro 13:10

”Ee topebagiu ngkaraka'! Iko bali' hawe'ea to monoa'! Hewa Magau' Anudaa'-hana kehi-nu tetu-e! Napa pai' uma nubahakai oa' mpohala'weo tudui' Pue' to monoa'?

1 Tesalonika 1:10

Rapotompo'wiwi wo'o kampopea-ni karata-na nculii' Yesus Ana' Alata'ala ngkai suruga. Alata'ala mpotuwu'-i nculii', pai' Hi'a-mi to mpobahaka-ta ngkai roe Alata'ala to mporumpa' ihi' dunia' toi mpai'.

Ibrani 6:18

Alata'ala, uma-i boa' mpo'uli' janci-na, uma wo'o-i boa' mpohowa' sumpa-na. Pai' lolita-na to ronyala toe uma mobali'. Jadi', ngkai pojanci pai' posumpa-na Alata'ala toe, moroho-mi nono-ta ompi'. Apa' kita' toi, tauna to mpopepotuwu' hi Alata'ala, tasarumaka Hi'a-damo to mpowai'-ta kalompea'. Ngkai pojanci pai' posumpa Alata'ala toe, terohoi-mi nono-ta bona neo' tabahakai ncarumaka Alata'ala pai' mpopea napa to najanci-taka hi eo mpeno-na.

1 Yohanes 3:8

Tauna to mpobabehi jeko' oa', napo'ana' Magau' Anudaa'-ra. Apa' Magau' Anudaa', topojeko' ngkai lomo'-na ami'-imi-hana. Toi-mi patuju-na Ana' Alata'ala mehupa' hi dunia', bona mpogero bago-na Magau' Anudaa'.