Lukas 3:3 - Buku Tomoroli' Pojanci to Bo'u

³ Jadi', momako'-imi Yohanes mure'–nca'u ue Yordan mpoparata Lolita Alata'ala hi ntodea, na'uli': ”Medea-mokoi ngkai jeko'-ni, pai' kana tumai-koi kuniu', bona Alata'ala mpo'ampungi jeko'-ni.”

Lukas 3:3 Iomraidhean Croise

Matius 3:11

Na'uli' wo'o-mi Yohanes: ”Aku' toi mponiu'-koi hante ue, tanda kamedea-ni ngkai jeko'-ni. Tapi' tumai-i mpai' ngkabokoa' ngkai aku' hadua to meliu kuasa-na ngkai aku'. Bangku' jadi' pahawaa'-na to mpokeni sapatu'-na, uma-a-kuwo natao. Hi'a mpai' to mponiu'-koi hante Inoha' Tomoroli' pai' hante apu.

Lukas 1:16

Wori' muli Israel natete' nculii' bona mepangala'-ra hi Alata'ala to rapue' ntu'a-ra owi.

Lukas 1:77

Iko mpai' to mpopo'incai ntodea-na ohea bona Alata'ala mpowai'-ra kalompea' pai' mpo'ampungi jeko'-ra.

Lukas 4:1

Pe'ongko'-na Yesus ngkai ue Yordan, Inoha' Tomoroli' mpokuasai-i pai' mpakeni-i hilou hi papada to wao'.

Yohanes 1:28

Hawe'ea toe jadi' hi ngata Betania, hi peniua'-na Yohanes hi dipo ue Yordan.

Yohanes 3:26

Hilou-ramo hi Yohanes ra'uli'-ki: ”Guru, nukiwoi-pidi wengi tauna to dohe-ta hi dipo ue Yordan, to nutudo'-kakaie? Oe-imi ria, meniu' wo'o-i-hawo, pai' kawoo–woria' tauna lou hi Hi'a!”

Suro 13:24

Kako'ia-na Yesus mpotepu'u bago-na, Yohanes Topeniu' mpo'uli'-raka hawe'ea to Israel bona medea-ra ngkai jeko'-ra pai'-ra raniu'.

Suro 19:4

Ngkai ree, na'uli' Paulus mpo'uli'-raka: ”Peniu'-na Yohanes-le, tanda kamedea-ta ngkai jeko'-ta. Aga bula-na Yohanes meniu' tohe'e, na'uli'-raka to Yahudi bona kana mepangala'-ra hi tauna to rata ngkabokoa' ngkai hi'a, hanga'-na Yesus.”

Suro 22:16

Wae-pi, napa wo'o-pi to nupopea! Mokore-moko pai' raniu'-moko jadi' topetuku' Yesus. Mekakae-moko hi Pue' Yesus bona na'ampungi jeko'-nu.’