Lukas 3:19 - Buku Tomoroli' Pojanci to Bo'u

¹⁹ Pai' nakamaro wo'o kasalaa'-na Herodes Antipas, topoparenta hi tana' Galilea, apa' Herodes mpo'ago pai' mpotobine Herodias, tobine ompi'-na moto. Yohanes mpokamaro-i sabana gau'-na toe, pai' sabana hawe'ea gau'-na to dada'a ntani'-na.

Lukas 3:19 Iomraidhean Croise

Matius 11:2

Nto'u toe, Yohanes Topeniu' bula-na ratarungku'. Na'epe Yohanes napa to napobago Kristus. Toe pai' nahubui ba hangkuja dua topetuku'-na hilou hi Yesus mpekune'-i hewa toi:

Matius 14:1

Nto'u toe topoparenta hi Galilea, Herodes Antipas. Na'epe Herodes napa to nababehi Yesus.

Matius 14:6

Ngkai ree, nto'u-na Herodes mpobabehi karamea mpokiwoi eo kaputua-na, ana'-na Herodias tobine modero' hi nyanyoa torata. Goe' lia-i Herodes mpohilo podero'-na.

Lukas 3:1

Hi kahampulu' lima mpae-na poparenta Kaisar Tiberius hi ngata Roma, Pontius Pilatus jadi' gubernur hi tana' Yudea pai' Herodes Antipas to moparenta hi Galilea. Filipus ompi'-na Herodes moparenta hi Iturea pai' hi Trakhonitis, pai' Lisanias moparenta hi Abilene.

Lukas 3:18

Hewa toei Yohanes mpokeni Kareba Lompe' hi ntodea, pai' naparesai'-ra nte wori' nyala tudui'-na.