Lukas 3:16 - Buku Tomoroli' Pojanci to Bo'u

¹⁶ Toe pai' Yohanes mpo'uli'-raka omea: ”Ane aku'-le, mponiu'-koi hante ue-wadi, tanda kamedea-ni ngkai jeko'-ni. Tapi' tumai-i mpai' to meliu kuasa-na ngkai aku'. Bangku' jadi' pahawaa'-na to mpobongka koloro sapatu'-na, uma-a-kuwo natao. Hi'a mpai' to mponiu'-koi hante Inoha' Tomoroli' pai' hante apu.

Lukas 3:16 Iomraidhean Croise

Matius 3:11

Na'uli' wo'o-mi Yohanes: ”Aku' toi mponiu'-koi hante ue, tanda kamedea-ni ngkai jeko'-ni. Tapi' tumai-i mpai' ngkabokoa' ngkai aku' hadua to meliu kuasa-na ngkai aku'. Bangku' jadi' pahawaa'-na to mpokeni sapatu'-na, uma-a-kuwo natao. Hi'a mpai' to mponiu'-koi hante Inoha' Tomoroli' pai' hante apu.

Matius 3:12

Hi'a ma'ala rarapai'-ki tauna to mpowiri' pae. Nagaa' pae to mo'ihi ngkai to lopa'-na duu'-na me'itu'. Pae to mo'ihi napuna' hi rala wilulu, pai' to lopa'-na nasuwe hi rala apu to jela' ncuu duu' kahae–hae-na.”

Yohanes 1:26

Na'uli' Yohanes: ”Aku'-le mponiu' tauna hante ue-wadi. Tapi' rata mpai' hadua tauna ngkabokoa' ngkai aku'. Ria moto-imile hi laintongo'-ni tempo toi-e, tapi' uma-i ni'incai. Bangku' jadi' pahawaa'-na mpobongka koloro sapatu'-na, uma-a-kuwo natao.”

Yohanes 7:38

Hewa to te'uki' hi rala Buku Tomoroli': hema to mepangala' hi Aku', ngkai nono-ra mo'ili wori' ue to tuwu'.”

Suro 1:5

Apa' Yohanes meniu' hante ue. Tapi' ba hangkuja eo-damo, raniu'-koi hante Inoha' Tomoroli'.”

Suro 10:44

Bula-na mololita-pidi Petrus, hompo-mi Inoha' Tomoroli' mpokahompoi hawe'ea tauna to mpo'epe lolita-na.

Suro 2:33

Alata'ala to Tuama mpo'ongko'-imi, napopohura-i hi huraa karabilaa' hi mali ngka'ana-na, pai' nawai'-imi Inoha' Tomoroli'. Ngkai ree, Yesus mpohubui Inoha' Tomoroli' tumai hi kai', ntuku' janci-na Alata'ala. Jadi', napa to nihilo pai' to ni'epe-mi toe we'i lau, majadi' sabana kuasa Inoha' Tomoroli'.

1 Korintus 12:13

Wae wo'o kita'. Kita' omea hewa hameha' woto-tamo, apa' Alata'ala mponiu'-ta omea hante Inoha' Tomoroli' to hibalia. Ba to Yahudi-ta ba bela-ta to Yahudi, to tuwu' batua ba to tuwu' maradika, kita' omea mporata Inoha' Tomoroli' to hibalia.