Lukas 3:11 - Buku Tomoroli' Pojanci to Bo'u

¹¹ Na'uli' Yohanes: ”Hema-koi to rontonga' baju-ni, hantonga' wai'-raka-rawo to uma nakariai. Pai' tauna to ria pongkoni'-ra, bagii-ra-rawo to uma ria pongkoni'-ra.”

Lukas 3:11 Iomraidhean Croise

Matius 25:40

”Pai' Aku' Magau', kutompoi'-ra: ’Bona ni'inca: napa to nibabehi mpotulungi ompi'-ku tohe'ira lau, nau' hadua ompi'-ku to kedi' lia katuwu'-na, batua-na, hibalia nibabehi hi Aku'-mi.’

Lukas 11:41

Napa to hi rala sangkiri' pai' piri-ni wai'-raka to mpe'ahii' tuwu'-ra. Ane hewa toe-mi po'ingku-ni, hawe'ea jadi' moroli' hi koi'.

Lukas 18:22

Mpo'epe toe, na'uli'-mi Yesus: ”Hanyala-pi to kana nubabehi. Pobalu'-mi hawe'ea rewa-nu pai' doi oli-na bagi-raka tokabu. Ane nubabehi hewa toe, bohe mpai' rasi' to nurata hi rala suruga. Oti toe, pai' tumai-moko mpotuku'-a.”

Lukas 19:8

Bula-na Pue' Yesus hi tomi Zakheus, mokore-imi Zakheus mpo'uli'-ki: ”Pue', bagi ntongo' ngkai rewa-ku kuwai'-raka tokabu, pai' hema–hema to kubagiu, kupoponculi' opo' ngkani ngkai to kubagiu-raka.”

Yohanes 13:29

Hantongo'-ra mpo'uli' meka' Yesus mpohubui Yudas mpo'oli ba napa–napa to raparaluu hi posusa'-ra, ba mpowai' doi hi tokabu. Apa' Yudas to ntimamahi doi-ra.

Suro 10:2

Bela-i to Yahudi, aga mengkoru mpu'u-i hi Pue' Ala, pai' hira' hantinaa-ra mepue' hi Alata'ala. Wori' doi nawai'-raka to Yahudi to kabu, pai' tida-i mosampaya hi Alata'ala.

Suro 10:31

Na'uli' tauna toei mpo'uli'-ka: ’Kornelius, Alata'ala mpo'epe posampaya-nu pai' na'inca kamanara-nu.

Suro 10:4

Me'eka'-i Kornelius mponaa mala'eka toei. Metompoi'-i: ”Napa-die Pue'?” Na'uli' mala'eka toei: ”Goe'-i Alata'ala mpo'epe posampaya-nu, pai' na'inca kamanara-nu mpotulungi tokabu.

Efesus 4:28

Tauna to biasa manako, neo'-pi-hawo manako oa'. Agina mobago-ra hante pale-ra moto mpali' pongkoni'-ra, bona ma'ala-ra mpobagii doo to nakakurai'.

1 Timotius 6:17

Ane tauna to mo'ua' hi rala dunia' toi, tudui'-ra bona neo' molangko nono-ra pai' neo' ncarumaka rewa dunia', apa' rewa dunia' uma ria katoroa'-na. Agina ncarumaka-ra Alata'ala to mpowai'-ta hawe'ea rasi' hante uma ria huka'-na bona tapokagoe'.

1 Timotius 6:18

Paresai'-ra bona mpobabehi oa' gau' to lompe', mpotulungi doo, jole' mewai', pai' lompe' nono-ra.

Ibrani 6:10

Alata'ala bate monoa'-i. Uma nalipo' bago-ni to nipobago-ki pai' ahi'-ni mpoka'ahi'-i. Monoto kampoka'ahi'-ni Alata'ala, apa' wori' petulungi-ni hi himpau ompi' hampepangalaa'-ni, lompe' hi tempo to timpaliu-mi, lompe' hi tempo toi.

Yakobus 1:27

Ane po'ingku tauna to mo'agama mpu'u hante uma ria pebagiua-na ba kasalaia'-na hi poncilo Alata'ala to Tuama, hewa toi: mpewili' ana' ilu pai' tobalu to mpe'ahii' tuwu'-ra, pai' neo' mpotuku' gau'-ra to uma mpo'incai Alata'ala.

Yakobus 2:14

Ompi'-ku hawe'ea! Napa-mi-hawo kalaua-na ane ta'uli' mepangala'-ta hi Pue', pai' po'ingku-ta uma mpotuku' konoa-na. Ha tebahaka-ta mpai' ngkai huku' jeko'-ta ane hewa toe-wadi pepangala'-tae? Uma-e'!

1 Yohanes 3:17

Rapa'-na ria hadua tauna to nakariai rewa dunia' toi, pai' mpohilo-i ompi'-na nakakurai' ba napa–napa, pai' nanaa mara-wadi, uma natulungi, tantu tauna toe uma-i ma'ahi' hewa Alata'ala.

1 Yohanes 4:20

Tauna to mpo'uli': ”Kupoka'ahi'-i Alata'ala,” pai'-i mpokahuku' moto ompi'-na, boa'-i-tawo'. Apa' ane uma-i mpoka'ahi' ompi'-na to nahilo, peliu–liu-nami Alata'ala to uma nahiloi.