Lukas 3:1 - Buku Tomoroli' Pojanci to Bo'u

¹ Hi kahampulu' lima mpae-na poparenta Kaisar Tiberius hi ngata Roma, Pontius Pilatus jadi' gubernur hi tana' Yudea pai' Herodes Antipas to moparenta hi Galilea. Filipus ompi'-na Herodes moparenta hi Iturea pai' hi Trakhonitis, pai' Lisanias moparenta hi Abilene.

Lukas 3:1 Iomraidhean Croise

Matius 14:1

Nto'u toe topoparenta hi Galilea, Herodes Antipas. Na'epe Herodes napa to nababehi Yesus.

Matius 14:3

Hewa toi tutura kamate-na Yohanes Topeniu'. Magau' Herodes mpo'ago Herodias, tobine ompi'-na moto to rahanga' Filipus. Wori' ngkani Yohanes mpokamaro Herodes ngkai gau'-na toe, na'uli'-ki: ”Uma-ko ma'ala mpotobine tobine tetui! Gau'-nu tetu mpotiboki Atura Musa!” Ngkai ree, Herodes mpopahawa' tantara-na mpohoko' Yohanes. Rahoko' mpu'u-imi, rahoo', pai'-i ratarungku'.

Matius 14:6

Ngkai ree, nto'u-na Herodes mpobabehi karamea mpokiwoi eo kaputua-na, ana'-na Herodias tobine modero' hi nyanyoa torata. Goe' lia-i Herodes mpohilo podero'-na.

Matius 22:17

Toe pai' kiperapi' bona nu'uli'-kakai, beiwa pomporata-nu Guru: ntuku' atura agama-ta, ba ma'ala moto-ta mpobayari paja' hi Kaisar, ba uma-di?”

Matius 27:2

Jadi', rahoo'-imi pai' rakeni hilou rabua' hi Gubernur Pilatus.

Markus 6:17

Hewa toi tutura kamate-na Yohanes Topeniu'. Magau' Herodes mpo'ago pai' mpotobine Herodias, tobine ompi'-na moto to rahanga' Filipus. Wori' ngkani Yohanes mpokamaro Herodes ngkai gau'-na toe, na'uli'-ki: ”Uma-ko ma'ala mpotobine era-nu tetui! Gau'-nu tetu mpotiboki Atura Musa.” Ngkai ree, Herodes mpohubui tantara-na hilou mpohoko' Yohanes. Rahoko' mpu'u-imi, rahoo' pai'-i ratarungku'.

Markus 6:21

Hi eo pompokiwoia kaputua Magau' Herodes, ria-mi loga-na Herodias. Hi eo toe, Magau' Herodes mpobabehi posusa' mpokiwoi eo kaputua-na. Mpokio'-i wori' maradika, tadulako pai' pangkeni to ngkai tana' Galilea.

Lukas 13:31

Nto'u toe wo'o, ria ba hangkuja dua to Parisi rata hi Yesus pai' mpo'uli'-ki: ”Malai-moko ngkai rei, apa' Magau' Herodes doko' mpopatehi-ko.”

Lukas 2:1

Nto'u toe, rata hawa' ngkai Kaisar Agustus, mpohawai' bona hawe'ea tauna hi humalili' kamagaua' Roma ra'uki' hanga'-ra bona ra'inca kadea-ra.

Lukas 23:24

Napomonoa'-mi Pilatus bona Yesus rahuku' mate, ntuku' pomperapia'-ra.

Lukas 3:19

Pai' nakamaro wo'o kasalaa'-na Herodes Antipas, topoparenta hi tana' Galilea, apa' Herodes mpo'ago pai' mpotobine Herodias, tobine ompi'-na moto. Yohanes mpokamaro-i sabana gau'-na toe, pai' sabana hawe'ea gau'-na to dada'a ntani'-na.

Lukas 9:7

Nto'u toe, topoparenta hi Galilea, Herodes Antipas. Kana'epe-na Herodes hawe'ea to nababehi Yesus toe, napoka'ingu' lau-mi. Apa' ria to mpo'uli': ”Yesus toei lou, Yohanes Topeniu' tuwu' nculii'-imi.”

Suro 23:26

”Hi Gubernur Feliks to rabila'. Wori' tabe ngkai aku', Klaudius Lisias!

Suro 24:27

Feliks doko' ngala' nono-ra to Yahudi, toe pai' napelele' moto-i Paulus ratarungku' rompae kahae-na. Timpaliu rompae toe, Feliks rasampei, pai' Perkius Festus jadi' gubernur to bo'u.

Suro 26:30

Kahudu-na Paulus mololita, mokore-ramo magau' pai' gubernur pai' Bernike hante doo-ra, pai'-ra malai-mi ngkai tomi porumpua.

Suro 4:27

O Pue', lolita Daud tohe'e madupa' mpu'u-mi. Apa' hi rala ngata toi wengi, hintuwu' mpu'u-ramo Magau' Herodes Antipas pai' Pontius Pilatus, hante ntodea to Yahudi pai' tauna to bela-ra to Yahudi wo'o. Kahintuwua'-ra toe, doko' mpo'ewa Yesus, Batua-nu to Moroli' to nupelihi jadi' Magau' Topetolo'.