Lukas 24:48 - Buku Tomoroli' Pojanci to Bo'u

⁴⁸ Koi'-mile to jadi' sabi' ngkai hawe'ea tohe'e-e lau.

Lukas 24:48 Iomraidhean Croise

Yohanes 15:27

Pai' koi' wo'o jadi' sabi'-ku, apa' koi'-mi to dohe-ku ngkai pontepu'ua bago-ku hi dunia'.

Suro 1:8

Sampale-di, mporata-koi mpai' baraka' ane hompo-ipi Inoha' Tomoroli' hi koi'. Nto'u toe mpai', koi' jadi' sabi'-ku hi Yerusalem, hi tana' Yudea pai' Samaria, duu' rata hi humalili' dunia'.”

Suro 10:39

Kai' tohe'i-mi to mpohilo hawe'ea to nababehi hi tana' to Yahudi duu' rata hi ngata Yerusalem. Ka'omea-na, rapatehi-i, rapaku' hi kaju parika'.

Suro 10:41

Aga uma hi hawe'ea tauna, muntu' hi kai' to napelihi ami'-mi Alata'ala jadi' sabi'-na. Ka'oti-na Yesus tuwu' nculii', nginu pai' ngkoni' moto-kai dohe-na.

Suro 13:31

Oti toe, wori' mengi-i-pidi mpopehuwu woto-na hi tauna to mpotuku'-i ngkai Galilea hilou hi Yerusalem. Hira' toe-mi to jadi' sabi'-na hi kita' to Yahudi, kaHi'a-na mpu'u-mi Magau' Topetolo'.

Suro 2:32

”Yesus toe-mile to natoa' lolita Daud-e we'i. Apa' Hi'a-mi to napotuwu' nculii' Alata'ala-e. Kai' toi-mi to jadi' sabi'-na.

Suro 22:15

Iko-mi mpai' to jadi' sabi'-na to mpokarebai hi hawe'ea tauna napa to nuhilo pai' to nu'epe-mi tetu-e.

Suro 3:15

Nipatehi mpu'u-imi Yesus. Tapi' Alata'ala mpotuwu'-i nculii', apa' lawi' Yesus-mi to mpowai' katuwua' to lompe'. Kai' toi-mi sabi'-na, apa' kihilo mata-mi-kaina katuwu'-na nculii'.

Suro 4:33

Suro Pue' Yesus ntora mpo'uli' posabi'-ra katuwu'-na nculii' Pue' Yesus, pai' uma mowo kamobaraka'-na lolita-ra. Pai' Alata'ala mpogane'-ra omea hante pegane' to bohe lia.

Suro 5:32

Kai' toi-mi to mposabii' hawe'ea toe, kai' hante Inoha' Tomoroli' wo'o to napewai' Alata'ala hi hema–hema to mengkoru hi hawa'-na.”

1 Petrus 5:1

Ria wo'o pomperapia'-ku hi koi' to jadi' pangkeni hi rala agama. Ku'uki'-kokoi tohe'i apa' aku' wo'o hadua pangkeni agama, pai' kusabii' moto-mi kaparia to narata Kristus owi. Pai' ane rata nculii'-ipi mpai' Kristus mpopehuwu kabohe tuwu'-na hi hawe'ea tauna, aku' wo'o mporata bagia hi rala kabohe tuwu'-na toe.