Biblia Todo Logo
Bìoball air-loidhne

- Sanasan -




Lukas 24:47 - Buku Tomoroli' Pojanci to Bo'u

47 Pai' hi rala hanga'-ku Kareba Lompe' kana rapalele hi hawe'ea tauna, bona medea-ra ngkai jeko'-ra pai' Alata'ala mpo'ampungi-ra. Kareba toe kana rapalele hi humalili' dunia', ntepu'u ngkai Yerusalem.

Faic an caibideil Dèan lethbhreac




Lukas 24:47
52 Iomraidhean Croise  

Jadi', hilou-mokoi hi humalili' dunia', tudui' hawe'ea tauna jadi' topetuku'-ku. Niu'-ra hi rala hanga' Alata'ala to Tuama, to Ana' pai' Inoha' Tomoroli'.


na'uli'-raka: ”Medea-mokoi ngkai jeko'-ni, apa' neo' rata-mi tempo-na Alata'ala jadi' Magau' hi dunia'.”


Uma-a tumai mpokio' tauna to monoa' ingku-ra. Katumai-ku toi-le, mpokio' topojeko'-a-kuna bona medea-ra ngkai jeko'-ra. Jadi', paresa'-koi ulu napa batua-na Lolita Alata'ala to te'uki' hewa toi: ’Uma kuperapi' porewua to nipopepue' hi Aku'. To kuperapi'-le, bona ma'ahi'-koi hi doo.’ ”


”Ee to Yerusalem! to Yerusalem! Nipatehi-ra-koina nabi–nabi, pai' nipana' watu-ra-koina tauna to nasuro-kokoi Alata'ala. Wori' ngkani-mi kupehuka' ngkupui-koi, hewa hama'a manu' tina mpo'urui ana'-na hi une' pani'-na, aga uma-koi dota.


Hawe'ea nabi owi mpotompo'wiwi-i, ra'uli': hema–hema to mepangala' hi Yesus, jeko'-ra ra'ampungi sabana petolo'-na.”


Kara'epe-na toporumpu toera lolita Petrus, rabahakai-mi mposalai'-i. Mpo'une' Alata'ala lau-ramo, ra'uli': ”Ane wae-tano, natarima moto-ra-rawo Alata'ala tauna to bela-ra to Yahudi, napalogai-ra medea ngkai jeko'-ra duu'-na mporata katuwua' to lompe' duu' kahae–hae-na.”


Tapi' hangkedi' kabia'-ra Paulus pai' Barnabas mololita. Ra'uli' mpo'uli'-raka to Yahudi: ”Taoa-na, Lolita Alata'ala kana raparata mperi'ulu hi koi' to Yahudi. Tapi', bo uma-ko-koina dota ntarima, koi' moto-mi-koiwo to mpakanoa' ka'uma-nakoi natao mporata katuwua' to duu' kahae–hae-na. Wae-pi, kipalahii-mokoi, hilou mpokeni Lolita Alata'ala hi tauna to bela-ra to Yahudi!


Na'uli' Petrus: ”Medea-mokoi ngkai jeko'-ni, pai'-koi raniu' butu–butu dua-ni jadi' topetuku' Yesus Kristus. Ngkai ree mpai', Alata'ala mpo'ampungi jeko'-ni, pai' nawai'-koi Inoha' Tomoroli'.


Kupopo'ingai' oa'-koi omea, lompe' to Yahudi lompe' to bela-koi to Yahudi, bona medea-koi ngkai jeko'-ni pai' mengkoru hi Alata'ala pai' mepangala' hi Pue'-ta Pue' Yesus.


Kusuro-ko hilou mpobini' mata-ra, pai' mpotete'-ra ngkai kabengia-na tumai hi kabajaa-ku; bona tebahaka-ra ngkai kuasa Magau' Anudaa' pai' nakuasai-ramo Alata'ala; bona te'ampugi jeko'-ra pai' jadi'-ramo bagia Alata'ala sabana pepangala'-ra hi Aku'.’


Kuparata hi hawe'ea tauna kareba to mpo'uli': kana medea-ta ngkai jeko'-ta pai' mpotonu katuwu'-ta hi Alata'ala, pai' kana tapopohiloi hante gau'-ta kamedea-ta mpu'u-mi ngkai jeko'-ta. Lomo'-na kareba toe kuparata hi ngata Damsyik, oti toe hi Yerusalem pai' hobo' hi tana' Yudea. Pai' hilou wo'o-a hi tauna to bela-ra to Yahudi mpokeni kareba toe.


Oti toe, na'uli' wo'o-mi Paulus: ”Ompi'–ompi'! Ane uma-koi dota mpotarima Kareba Lompe' to mpokeni kalompea' hi manusia', sala'-ni moto. Tapi' bona ni'inca: kareba toe raparata-miraka tauna to bela-ra to Yahudi. Hira'-mi-hana mpai' to mpotarima.” [


Toe-mi ompi'–ompi', medea-mokoi ngkai jeko'-ni, pai'-koi mengkoru hi Pue' Ala, bona na'ampungi jeko'-ni. Ngkai ree mpai', Pue' Ala mporohoi nono-ni, pai' nahubui tumai Yesus hi kita'. Apa' Hi'a-mi to napakatantu ami' Alata'ala jadi' Magau' Topetolo'-ta.


Uma ria ohea ntani'-na mporata kalompea' ngkai Alata'ala, muntu' Yesus-wadi. Apa' hi humalili' dunia', uma ria haduaa tau ntani'-na, muntu' Yesus-wadi to naparia Alata'ala hi manusia', Hi'a-wadi to mokuasa mpohore-ta ngkai huku' jeko'-ta.”


pai' na'ongko'-imi napopohura hi mali ngka'ana-na, pai' napajadi'-i Pangkeni pai' Magau' Tompohore-ta ngkai huku' jeko'-ta, bona kita' to Israel medea ngkai jeko'-ta pai' mporata ampu.


Ane Atura Pue' to naparata Musa, patuju-na Alata'ala mpowai' Atura toe hi manusia' bona lonto' kamasala'-ra, apa' wori' petiboki-ra hi Atura-na toe. Tapi' nau' hewa apa-mi kabohe-na jeko' manusia', kaboo–bohea lau-di kabula rala Alata'ala hi manusia'!


Toe pai' masipato' ta'une'-i Alata'ala, apa' uma mowo kabohe ahi'-na hi kita'. Ngkai kabula rala-na nawai' maraa-ta ahi'-na toe ngkai posidaia'-ta hante Yesus, Ana'-na to nape'ahi'.


Ngkai hawe'ea topepangala' hi Pue' Yesus, aku' toi-mi-kuna to meliu kakedi' tuwu'-ku. Aga nau' wae, aku' lau-di to napompowaii' rasi' toe, bona aku' to mpopalele Kareba Lompe' hi tauna to bela-ra to Yahudi, mpo'uli'-raka kabohe rasi' to tarata ngkai Kristus, to uma bisa rapetudu manusia'.


Ana'–ana', ku'uki'-kokoi sura tohe'i, apa' te'ampungi-mi jeko'-ni sabana Pue' Yesus.


Lean sinn:

Sanasan


Sanasan